LECCIÓN 3
Tapuicunata rurapangui
Mateo 16:13-16
¿IMATATA RURANA CAPANGUI? Gentecuna yachangapaj munachun, uyashpa catingapaj munachun, paicunata pensachingapaj, importante yuyaicunata intindichingapaca, ali tapuicunatami rurana capangui.
¿IMASHINATA RURANA CAPANGUI?
Gentecuna yachangapaj, uyashpa catingapaj munachunga paicunapa shungupillata pensarishpa contestachunmi, ali tapuicunata rurana capangui.
Aliguta pensachingapaca shuj shuj tapuicunata rurapangui. Shinami aliguta pensarishpa paicunallata intindi ushanga.
Importante yuyaicunata intindichingapaca, gentecuna yachangapaj munachunmi, shuj tapuita rurashpara parlai callarina capangui. Shuj importante yuyaita parlashca jipa, o quiquinba parlota ña tucuchijushpaca imata yachachishcata yarichunmi tapuicunata rurana capangui.