Jesuspa Chaquita Catishpa Causashunchi Yachachishunchi tandanajuipi yachajungapaj hojapa referenciacuna
© 2022 Christian Congregation of Jehovah’s Witnesses
2-8 DE ENERO
BIBLIAPA VALISHCA YUYAICUNA| 2 REYES 22, 23
“¿Imamandata humilde cana capanchi?”
w00-S 15/9 29, 30
Josiasca humilde caimandami Jehovapa ñaupapi ali ricurirca
Ali horasmandapachami trabajadorcunaca templo huaglishcata uchashpa arreglanajun. Nali gentecunami ñaupa punllacunapica templota huaglichishpa saquishcarca. Chaimi Josiasca arreglajujta ricushpaca Jehovata agradicin. Templopi trabajocuna imasha catijushcataca Safán runami villan. Pero ¿imatata Safanga maquipi apajun? Shuj rollomi can. Paica ninmi, sumo sacerdote Hilquiasca ‘Mandaj Dios mandashcata escribichishpa Moisesman cushca librota tarishca’ ninmi (2 Crónicas 34:12-18). Caica alipachami can. Cai rolloca Moisespa punllacunapi Dios escribichishcami cashcanga.
Josiasca cai rollo ima nishcata ucha yachangapami munan. Safán rollota liijujpica rey Josiasca pai, paipa llactapash chaipi mandashcacunata imasha pactachinatami ali uyajun. Josiasca intindircami Jehovatalla adorana cashcata. Shinallata paipa pueblo yanga dioscunata adoranajushpaca llaquicunata chai llactamanda llujchi tucuna cashcatapashmi intindirca. Josiasca Diospa tucui mandashcacunata paicuna na pactachijushcata cuenda japishpami paipa churajunata liquishpa Hilquiastapa, Safandapash shujcunatapash cashna mandarca: ‘Ñucamanda Jerusalenbi causajcunamanda, Judá llactapi tucui causajcunamanda, cai tarishca libropi escribishca shimicuna ima cajta yachangapaj, Diosta tapugripaichi. Dios ñucanchihuan nina japirinshna, ninanda fiñarishcapa manllanaimari. Ñucanchi ñaupa taitacunami cai libropi imatalla nijushcataca na cazushca’ nirca (2 Reyes 22:11-13; 2 Crónicas 34:19-21).
w00-S 15/9 30 párr.
Josiasca humilde caimandami Jehovapa ñaupapica ali ricurirca
Josiasta sirvijcunaca Huldá shuti profetisata Jerusalenbi ricungapaj rishpami cai villaita apamun. Cai huarmica, chai rollopi villashcashna Jehová Dios paipa llacta yanga dioscunata adorashcamanda imasha llaquichinatami villan. Shinapash Josiasca, Jehová Diospa ñaupajpi humillarishcamandami cai llaquitaca na ricunga. Paica paipa punda taitacunahuanmi tranquilo pambai tucunga (2 Reyes 22:14-20; 2 Crónicas 34:22-28).
Bibliapa valishca yuyaicunata mascashunchi
w01-S 15/4 26 párrs. 3, 4
Pai imasha viñashcaca na llaquiman aparcachu
Josías huahua cajpi paipa familia nali ejemplota ricuchijpipash, Josiasca Diospa ñaupajpica alitami rurarca. Paica alipacha mandajmi carca, chaimandami Bibliaca cashna nin: “Moisés tucui mandashcapi nijushcashnallata tucui shunguhuan, tucui almahuan, tucui ushaihuan, Mandaj Diospajman tigrarijca, maijan jatun mandajpash, paipaj pundaca na tiarcachu. Paipaj jipamanbash, paishna jatun mandajca na huacharircachu” nishpa (2 Reyes 23:19-25).
Huahua cashpa nali causaita charijcunapaca, Josiasca shuj alipacha ejemplomi can. ¿Imatata paimandaca yachajunchi? ¿Imata paitaca alita ruranata agllashpa chaita rurashpa catichun ayudarca?
9-15 DE ENERO
BIBLIAPA VALISHCA YUYAICUNA | 2 REYES 24, 25
“Tucuri punllacunapi causajushcata yaria causashunchi”
w01-S 15/2 12 párr. 2
Jehová Diospa juicio punllaca ñami chayamujun
2 Sofoniaspa shimicunamandami joven rey Josiasca, panda dioscunata Judá llactamanda anchuchina cashcata cuenta japirca. Shinapash rey Josías panda religiongunata chai llactamanda limpiangapaj shinllita esforzarijpipash, gentecunapa nali ruraicunaca na tucurircachu. Paipa abuelo rey Manasespash gentecunata huañuchishcata nalicunata rurashcataca tucuita limpiaitaca na usharcachu (2 Reyes 24:3, 4; 2 Crónicas 34:3). Shinaca Jehová Diospa juicio punllaca chayamungapachami.
w07 15/3 11 párr. 10
Jeremías libropa valishca yuyaicuna
Huata 607pica rey Sedequiasca ñami 11 huatacunata mandajurca. Cutin Jerusalén llactataca Babilonia mandaj rey Nabucodonosorca ‘ñami 18 huatacunata mandajurca. Nabucodonosor ña 19 huatacunata mandajujpi chai huatapa picha quilla canchis punllapimi soldadocunata mandaj Nebuzaradán Jerusalenman shamurca’ (2 Reyes 25:8). Nebuzaradanga chai llactapa canllamanmi shuj campamentota charirca. Chaimandami contracunata imasha llaquichinata Jerusalenman imasha yaicunata ricujushcanga. Shinami quimsa punlla jipa ‘chai huatapa picha quilla chunga punllapi’, Nebuzaradanga Jerusalenman yaicushpa chai llactata rupachin (Jeremías 52:12, 13).
Bibliapa valishca yuyaicunata mascashunchi
w05-S 1/8 12 párr. 1
Segundo de los Reyes libropa valishca yuyaicuna
24:3, 4. Ima nalitapash na ruraj gentecunata rey Manasés huañuchishpa yahuarta jichashcamandami Jehová Diosca Judá llactataca na perdonangapaj munarca. Taita Diosca ima nalitapash na ruraj gentecunapa yahuartaca valichinmi. Yangamanda llaquichij gentecunataca tucuchishpa saquina cashcata (Salmo 37:9-11; 145:20).
16-22 DE ENERO
BIBLIAPA VALISHCA YUYAICUNA | 1 CRÓNICAS 1-3
“Bibliaca na cuentocunata parlaj librochu can”
w09-S 1/9 14 párr. 1
Adán y Evaca: ¿ciertopachachu tiarca?
Por ejemplo, Primero de las Crónicas capítulo 1manda 9caman, Lucas capítulo 3pica judiocuna maijan familiacunamanda shamushcatami villan. Cai registrocunaca 48 y 75 familiacunamanda shamushcatami ricuchin. Crónicas libroca Israel llactapa reycuna, sacerdotecuna maijan familiamanda cashcatami ricuchin. Cutin Lucas libroca Jesucristo maijan familiamanda shamushcatami ricuchin. Ishcandi librocunapillatami Adán, Salomón, David, Jacob, Isaac, Abrahán, Noemanda parlan. Cai registrocunapi gentecunaca ciertopachami causarca. Shinaca Adanbash ¿nachu ciertopacha causarca?
w08-S 1/6 3 párr. 4
Noepash jatun manllanai tamiapash ciertopachami tiarca
Ashtahuanbash Noé ciertopacha causashcata ali intindingapaca Bibliapa ishcai registrocunatami ricui ushapanchi (1 Crónicas 1:4; Lucas 3:36). Cai registrocunata rurangapaca Esdraspash, Lucaspash alipacha investigaciongunatami rurarca. Lucascarin, Noemanda Jesuscaman ima familiacunalla tiashcatami escribirca.
w09-S 1/9 14 párr. 6
Adán y Evaca: ¿ciertopachachu causarca?
Diosta crijcunapaca salvarina tianata Bibliapi yachanaca alipachami cashca. Bibliapi yachachishcashnaca Jesucristoca paipa jucha illaj causaita cushpami ñucanchi juchacunamanda salvarca (Mateo 20:28; Juan 3:16). Imashami yachanchi shuj personata libre saquingapaj o imagutapash cutin tigrachingapaca shuj preciotami pagana capanchi. Chaimandami Bibliapica nin: ‘Jesusca gentecunata pecadocunamanda salvangapami minishtirishca preciota pagashna paipa causaita curca’ nishpa (1 Timoteo 2:6). Pero ¿imashpata chaica minishtirishca carca? Bibliapica ninmi: “Porque imashinami Adanmandaca tucuicuna huañunajun, shinallatami Cristomandaca tucuicuna causachi tucunga” (1 Corintios 15:22). Jardín de Edenbi Adán cashpaca jucha illami carca. Shinapash juchata rurashpami paipa jucha illaj causaita chingachirca. Chaimi cazuj gentecunata salvangapaca, Adanba randi Jesusca paipa jucha illaj causaita curca (Romanos 5:12). Shinaca Adanman ciertopacha causashca cajpica, Jesucristo gentecunamanda paipa causaita cushcaca yanga shinami ricurinman carca.
Bibliapa valishca yuyaicunata mascashunchi
it-1-S 1005 párrs. 1, 2
Genealogía
Huarmipa shuticuna. Huaquinbica huarmicunapa shuticunataca maijan familiacunamandalla cashcata ricuchingapaj registrocunapi huaquin razongunamanda churashca. Maijan familiacunalla tiashca registrocunapica huaquinbica huaquin razongunamandami huarmicunapa shuticunataca churashca. Génesis 11:29, 30pica Jehová parlashca mirai Abrahanba huarmi Saramanda na shuj huarmimanda chai miraica shamuna cashcata ali intindichingapami Sarai o Sara shutimandaca parlan. Cai registropica Milcá shutitapashmi villan. Paica Isaacpa huarmi Rebecapa abuelami carca. Shinami Rebecapa familiaca Abrahanba familiamanda cashcata ricuchin. Isaacca shuj llactamanda huarmicunahuanga na cazaranachu carca (Gé 22:20-23; 24:2-4.) Génesis 25:1pica Abrahanba jipa huarmi Queturapa shutitapashmi villan. Abrahanga paipa huarmi Sara huañushca jipaca cutinmi cazararca. Abrahanga paipa punda churita charishcamanda 40 huatacuna jipapash huahuacunata chari usharcarami (Ro 4:19; Gé 24:67; 25:20). Ashtahuanbash cai registrocunami Madián llactapash arabemanda shuj tribucunapash Israel llactahuan imata ricuna cashcata intindichun ayudan.
Shinallata caipica Leamanda, Raquelmanda Jacobpa chaishuj huarmicunamanda chai huarmicunapa huahuacunamandapashmi parlan (Gé 35:21-26). Caica, cai huahuacunahuan Taita Dios ima arreglocunata rurashcata intindichunmi ayudan. Cai razongunamandallatami shuj huarmicunapash shuticunatapash registrocunapica tarinchi. Shinallata herenciata shuj huarmi japina cajpimi registropica paipa shutitapash churan carca (Nú 26:33). Ashtahuanbash Tamar, Rahab y Rutca Mesías o Jesucristopa familiapurami carca. Paicuna Jesuspa familia imasha tucushcamandaca ashtacatami yachajui ushapanchi (Gé 38; Rut 1:3-5; 4:13-15; Mt 1:1-5). Shinallata 1 Crónicas 2:35, 48, 49; 3:1-3, 5pipashmi. Huaquin huarmicunapash shutitapash villan.
23-29 DE ENERO
BIBLIAPA VALISHCA YUYAICUNA | 1 CRÓNICAS 4-6
“Ñucapa oraciongunaca ¿ñuca imasha cashcatata ricuchin?”
w10-S 1/10 23 párrs. 3-7
“Ñucanchi mañaicunata uyanmi”
Jabez runaca siempremi Taita Diosta mañan carca. Paica bendiciachun nishpami Diostaca mañai callarirca. Paipa fe shinlli cashcataca cai quimsa cosascunata mañashcamandami ricunchi.
Primeroca, Jabez runaca paipa llactata mirachichunmi Taita Diostaca mañarca (versículo 10). Paica ali caimandaca shujcunapa alpacunataca na envidiajurcachu. Shinaca Jabez runaca llactata mirachipai nishpaca gentecunata mirachichunmi mañajushcanga. Shinaca, paica Taita Diosta ali adorajcunata ashtahuan mingachishpa catingapaj paipa llacta tranquilo ali causaihuan ashtahuan mirashpa catichunmi mañajushcanga.
Jipaca, Jabez runaca Diospa maqui paihuan cachunmi mañarca. Diospa maquica paita sirvijcunata ayudangapaj podertami ricuchin (1 Crónicas 29:12). Jabezca paipa shungu munashcata mañangapaca Taita Diostami mascarca. Taita Diosca paipi feta charijcunata ayudangapaca paipa maquica na faquirircachu (Isaías 59:1).
Ultimopica, Jabez runaca cashnami mañarca: ‘Ima llaquimandapash alichishpa aliguta pushahuangui’ nishpa. ‘Ima llaquimandapash alichipai’ nishpaca Jabezca ima llaquipash ama japichun nishpaca na mañajurcachu. Chaipa randica, llaquipash nali ruraicunapash ama mishachunmi mañajurca.
Imashami ricupanchi Jabez runapa mañaica Jehovata ali adoranamanda preocupado cashcata, Jehová Dios oraciongunata uyaj cashcapi feta charishcatami ricuchin. Pero ¿imashata Jehová Diosca Jabeztaca contestarca? Cai mañaica cashna nishpami tucurin: “Shina mañajpimi Taita Diosca pai mañashcata cararca” nishpa.
Bibliapa valishca yuyaicunata mascashunchi
w05-S 1/10 9 párr. 7
Primero de las Crónicas libropa valishca yuyaicuna
5:10, 18-22. Rey Saulpa punllacunapica Jordán llactapa jahua ladopi causaj familiacunaca, hagritacuna ashtaca ashtacacuna cajpipash misharcami. Paicunaca Jehovapi confiashcamanda, Jehovapa ayudata mascashca mandami hagritacunataca misharcacuna. Ñucanchicunapash espiritual macanajuipi ñucanchi contracunata mishangapaca Jehová Diospimi tucui shunguhuan confiana canchi (Efesios 6:10-17).
30 DE ENERO - 5 DE FEBRERO
BIBLIAPA VALISHCA YUYAICUNA | 1 CRÓNICAS 7-9
“Jehová Diosca ima responsabilidadta pactachichunbash ayudangami”
w05-S 1/10 9 párr. 8
Primero de las Crónicas libropa valishca yuyaicuna
9:26, 27. Diospa templopa pungupi cuidaj levitacunaca templopa ucucunaman yaicuna llavecunata charimandami ashtaca confianzata charina carca. Paicunaca tucui tutamandacuna templopa pungucunata pascashpami responsable cashcata ricuchirca. Ñucanchicunamanga ñucanchi territoriopi gentecunapash Jehová Diosta adorachun ayudana responsabilidadtami mingashca. Shinaca ¿Nachu ñucanchicunapash templo pungupi cuidaj levitacunashna ñucanchi responsabilidadta pactachina canchi?
w11-S 15/9 32 párr. 7
Quiquinga problemacunataca ¿Finehás cuendachu chimbapuragringui?
Ñaupa punllacunapica Finehasca Israel llactata cuidana responsabilidadtami charirca. Paipa responsabilidadta pactachingapaca shinlli cana, ali pensarina, feta charinami minishtirirca. Paipa responsabilidadta ali pactachingapaj esforzarishcamandami Diospa ñaupapi ali ricurirca. Huaranga huatacuna jipaca Esdrasca cashnami escribirca: ‘Pundaca, Eleazar runapaj churi Finehás shuti runami, paicunataca mandajurca. Mandaj Diosca paihuanmi carca’ nishpa (1 Cró. 9:20). Cai shimicunaca cunan punllapi superintendente huauquicunaman, Jehová Diosta ali sirvij huauquipanicunapapashmi can.
Bibliapa valishca yuyaicunata mascashunchi
w10-S 15/12 21 párr. 6
Jehovaman candashunchi
6 Shinami can, Jehová Diosca profetacunamanmi instrucciongunata curca paipa sirvijcuna canticocunahuan imasha paita alabanata. Chaimandami ali candanata yachaj levitacuna, canticocunata escribingapaj, repasangapaj tiempota charichun paicunamanga huaquin responsabilidadcunataca ña na mingan carca (1 Cró. 9:33).
6-12 DE FEBRERO
BIBLIAPA VALISHCA YUYAICUNA | 1 CRÓNICAS 10-12
“Jehovata cazuna munaita charipai”
w12-S 15/11 6 párrs. 12, 13
“Canba munaita ruranata yachachihuai”
12 Shinallata Davidca Diospa leypi ima consejocuna tiashcataca alimi intindirca pactachingapapashmi munarca. Ñucanchipash chaitallatami rurana canchi. Davidhuan ima tucushcata ricupashunchi. Paica nircami: ‘Belén pueblo pungu ladopi yacuta llujchingapaj allashca jatun utujumanda yacuta maijambash apamugrishpa, ñucaman carashpachari ali canman’ nishpa. Shina nijpimi quimsa jaricunaca filisteocunapaman yaicushpa Davidman yacuta apamunajurca. Shinapash ‘Davidca na ufiangapaj munashpami chai yacutaca Mandaj Diosman talirca’. ¿Imashpa? Davidca nircami: ‘Chai yacuta ñuca ufiachunga ñuca Taita Diosca ama saquihuachun. Chai runacunaca, paicuna huañunatapash na manllashpami, chai yacutaca apamunajurca. Chai yacuta ufiashpaca, paicunapa yahuarta ufiashna ufiasha nishpami na ufiangapaj munarca’ (1 Crón. 11:15-19).
13 Davidca Diospa leytaca alimi rijsirca. Chaimandami ali yacharca yahuartaca na micuna cashcata. Chaipa randica, Jehovapa ñaupapi talina cashcata. Shinallata alimi intindirca “Diospa leypi mandashcashnaca causaita charijcunapa causaica yahuarpi cashcata”. Shinapash yacumari carca, na yahuarca. Shinaca ¿imashpata Davidca na chai yacutaca ufiangapaj munarca? Davidca alimi intindirca, Diospa leypica Jehovapa ñaupajpica yahuarca valishca cashcata. Chai quimsa runacunaca Davidman chai yacuta apamungapaca, paicunapa causaitaca peligropimi churashcarca. Chaimandami Davidca chai yacuta ufiashpaca paicunapa causaita respetajushcataca na ricuchijunichu nishpa chai yacutaca na ufiarca. Chaipa randica, Davidca chai yacutaca alpapi talirca (Lev. 17:11; Deut. 12:23, 24).
Diospa yachachishcacunahuan, leycunahuan concienciata yachachishunchi
5 Diospa leycuna ñucanchita ayudachunga liitallaca na liinachu capanchi. Chaipa randica Diospa leycunata alicachingapaj, respetangapami esforzarina capanchi. Bibliapica ninmi: “Nalita ruranata millanayachishpami, alita ruranata juyana canguichi” nishpa (Amós 5:15). Chaipaca Jehová Dios ricushcashna ricungapami esforzarina capanchi. Caipi pensaripashunchi, na puñui ushajushpa doctorpaman rishcanguiman. Doctorca micunapi cuidarichun, ejerciciota rurachun, causaipi huaquin ruraicunata cambiachun nishcanman. Doctorta cazushpa ali sintirishpaca ¿nachu doctorta agradicinguiman?
6 Shinallatami ñucanchicuna ali causachun, juchacunapi ama urmachunga ñucanchita Ruraj Taita Diosca leycunata cushca. Por ejemplo, llullana, umachina, shuhuana, shuj jarihuan o shuj huarmihuan juchapi urmana, shujcunata llaquichina, ayacunapa ruraicunapi chapurina nali cashcatami Bibliapica yachachin. Chaicunata cazunaca ¿nachu ñucanchipallata ali can? (Proverbios 6:16-19, liingui; Apoc. 21:8). Jehovata cazuna ñucanchipallata ali cashcata cuenta japishpaca Jehovatapash, paipa leycunatapashmi alicachishun.
Bibliapa valishca yuyaicunata mascashunchi
it-1-S 551 párrs. 5, 6
Shungu
“Tucui shunguhuan sirvishunchi”. Shungumandapacha parlashpaca, shungu ali funcionachunga completomi cana can. Pero shuj casocunapi parlashpaca shunguca na completo caita ushanllu. Chaimandami Davidca Jehová Diosta cashna mañarca: “Jehová Dioslla canba ñanguta rijsichihuayari. Camba yachachishcacunataca siempremi catijusha. Canba shutita manllashpa causangapaj shujlla shunguta charichun ayudahuayari” (Sl 86:11, TNM). Shuj personapa shungu na shujlla cajpi na completo cajpimi Diostaca na tucui shungu adorai ushan (Sl 119:113, TNM; Apoc 3:16). Shinallata ishcai shungupashmi tucui ushan. Por ejemplo, ishcai amocunata juyai ushan. O shuj cosascunapi pensajushpapash jahua shimilla caitami rurajuni nita ushan (1Cr 12:33; Sl 12:2). Shina gentecunataca Jesusca na ricunayachircachu (Mt 15:7, 8).
Diostaca jahua shungulla o ishcai shunguca na sirvi ushanchichu. Tucui shungu o completomi sirvina canchi (1Cr 28:9). Chaipaca ninandami esforzarina capanchi. Ñucanchi shunguca jaicata pandachinllami. Ima nalitalla rurachingapami munan (Jer 17:9, 10; Gé 8:21). Shuj completo shunguta charingapaca caicunami ayudaita ushan: tucui shunguhuan Diosta mañana (Sl 119:145; Lam 3:41), Diospa shimita punllandi punllandi yachajuna (Esd 7:10; Pr 15:28), ali villaicunata tucui shunguhuan villachina (Jer 20:9huan chimbapurangui) y Jehová Diosta completo shunguhuan sirvij huauquipanicunahuan tandanajuna (2Re 10:15, 16huan chimbapurangui).
13-19 DE FEBRERO
BIBLIAPA VALISHCA YUYAICUNA | 1 CRÓNICAS 13-16
“Jehová Diospa instrucciongunata catinaca ñucanchillatami benefician”
w03-S 1/5 10 párr. 12
“Jehová Diosca ¿maipishi can nishpa tapuripashcanguichu?”
12 Arca del pactota Israelman tigrachishcamandaca ashtaca huatacunatami Quiryat-jearim llactapi carca. Chaimi rey Davidca Jerusalenman apangapaj munarca. Davidca llactata ñaupaman pushacunahuan parlarishpami paicunataca nirca, ‘Cangunapi ali cajpi shinallata Jehová Diospa munai cajpica, arcataca Jerusalenmanmi apagrini’ nishpa. Pero Jehová Dios imatapacha munashcataca na ali investigarcachu. Chaita rurashpaca Davidca arcataca na carretapi churanmanllu carca. Chaipa randica, levita qohatitacunapa hombrospimi Dios mandashcashna apanman carca. Davidca siempremi imatapash Jehová Diosta tapun carca, pero cai viajeca na shina rurarcachu. Chaimi tucui nali llujchirca. Jipamanga chaita cuenda japishpami Davidllata cashna nirca: ‘Jehová mandashcashna na rurashcajpimi, paica ñucanchita llaquichirca’ nishpa (1 Crónicas 13:1-3; 15:11-13; Números 4:4-6, 15; 7:1-9).
w03-s 1/5 11 párr. 13
“Jehová Diosca ¿maipishi can nishpa tapuripashcanguichu?”
13 Levitacuna Obed-edom pushtumanda Jerusalén llactacaman arca del pactota apajpica, David alichishca shuj canciondami cantarcacuna. Chaipica cai mandashcatapashmi yarichijurca: “Mandaj Diostapash paipa ushaitapash mascaichi. Paipa ñavitaca, punllandi mascaichi. Ima juyaillacunata pai rurashcataca yarichi. Jatun manllarinacunata rurashcatapash paipa shimihuan rimashpa llaquichinatapash yarichi” (1 Crónicas 16:11, 12).
Bibliapa valishca yuyaicunata mascashunchi
Unai unaicaman Jatun Mandaj Jehová Diosta adorashunchi
14 Rey Davidca Taita Diospa arca del pacto nishcatami Jerusalenman apajurca. Chaipimi levitacunaca Jehová Diosta alabashpa, cushijushpa 1 Crónicas 16:31 shimicunata cashna nishpa candanajurca: ‘Mandaj Diosmi mandajun’ nishpa tucui llactacunapi villaichi’ nishpa. Jehová Diosmi mandajun nishpaca pitapash agllashpa paipa munaita rurachun churashcatami nijun. Shinapash ¿imamandata Jehová Dios mandashpa catijushcataca aliguta intindina canchi? David nara huañujpica Jehová Diosca nircami: “Cambaj churicunamanda shujtami, can mandajushca llactapica shinllitapacha churasha” nishpa (2 Sam. 7:12, 13). Jehová Dios nishca shinaca, huaranga yali huatacuna jipami Davidpa churicunamanda shuj churi mandai callarirca. Chai churica ¿pita carca? ¿Ima horata rey tucurca?
20-26 DE FEBRERO
BIBLIAPA VALISHCA YUYAICUNA | 1 CRÓNICAS 17-19
“Quiquin munashcashna Jehovata na sirvij ushashpapash ama desanimaripanguichu”
w06-S 15/7 19 párr. 1
Jehovapa organizacionpa ali ruraicuna
ESCRITURAS Hebreaspica Davidmandaca ashtacatami parlan. Davidca michij, músico, profeta, Israelpa reymi carca. Paica Jehová Diospimi ashtaca feta charirca. Shinallata ninanda juyaimandami Jehovapa shuj huasita rurangapaj munarca. Chai templo huasica Israel llacta Jehová Diostalla adorachunmi carca. Templopash chaipi tucui ima rurashcacunapash Diospa llactata cushichinata, beneficianata yachashpami Davidca cashna Jehovaman candarca: “Can agllashpa cambajman apamui tucujcunaca, ninandami cushijun. Cambaj huasi patiocunapi causachunmi agllarcangui. Cambaj huasipi ima alicuna tiashcata micushpami cushijushun. Cambajlla huasipi tiashcacunatami micushun” nishpa (Salmo 65:4).
Jehová Diostaca cushijushpa sirvipashunchi
11 Cati esclavoshnallatami ñucanchicunapash ñucanchiman imata mandashcata ali pactachingapaj esforzarishpaca ninanda cushilla sintiripashun. Shinaca tucui shunguhuan villachipashunchi, shinallata congregacionbi imagutapash mingajpica ali pactachingapaj esforzaripashunchi (Hech. 18:5; Heb. 10:24, 25). Tandanajuicunapi shujcunata shinllichingapaj ali comentariocunata cungapapash prepararipashunchi. Chaupi semana tandanajuipi asignaciongunata charishpapash ali cungapaj prepararipashunchi. Congregacionbi imagutapash rurachun mingajpica uchalla rurapashunchi. ‘Caita ruranaca na importantechu can, chaita ruranami ashtahuan importante can’ yashpapash ama pensapashunchichu. Imagu cajpipash ali pactachipashunchi (Prov. 22:29). Jehová Diosta sirvishpa catingapaj shinllita esforzarijushpaca ashtahuanmi Jehovapa amigo caita ushapanchi y ñucanchillatami cushillapacha sintiri ushapanchi (Gál. 6:4). Si ñucanchicuna Jehovata ali sirvingapaj esforzarinchica shuj huauqui o shuj pani ñucanchi munashca responsabilidadta chasquijpipash na llaquirishunllu (Rom. 12:15; Gál. 5:26).
Bibliapa valishca yuyaicunata mascashunchi
w20.02 12, recuadro
Tucui shunguhuanmi Jehová Diosta juyapanchi
“¿Jehová Diosca ñucata rijsihuanllu?”
“Cai Alpapi ashtaca ashtaca gentecuna tiashcamandaca ¿imamandata Jehová Diosca ñucatara ricuhuajun?” nishpami talvez tapuripashcangui. Na quiquinllachu shina tapuripashcangui. Rey Davidpashmi: “Mandaj Dioslla, ¿runaca ima cajpita paitaca yarijupanguiyari? Na cashpaca, ¿imamandata huañuna aichayu runataca, ninan valishcatashna charinguiyari?” nishpa tapurirca (Sal. 144:3). Jehová Dios paita alipacha rijsishcataca Davidca seguromi carca (1 Crón. 17:16-18). Jehová Diosca ñucanchicuna paita juyashcataca seguromi can. Chaimandami Bibliata cushca, paipa organizacionbi cachunbash saquishca. Chaitaca cai cati textocunapimi cuenta japipanchi.
• Ñucanchicuna nara nacirijpillatami Jehová Diosca ñucanchita ña rijsirca (Sal. 139:16).
• Ñucanchicuna imata yuyajta, imata sintijtaca Jehová Diosca alipachami yachan (1 Crón. 28:9).
• Ñucanchi mañaicunataca Jehová Diosca uyanmi (Sal. 65:2).
• Ñucanchi ruraicunahuanmi Jehová Diosta cushichita o llaquilla sintichita ushapanchi (Prov. 27:11).
• Jehovallatami ñucanchicuna paiman quimirichun ayudashca (Juan 6:44).
• Jehová Diosca ñucanchita alipacha rijsimandami huañujpipash causachisha nin. Sano cuerpohuan, ali yuyaicunahuanmi causachinga. Ñucanchicuna imashina cashcatashnallatami Jehová Diosca causachinga (Juan 11:21-26, 39-44; Hech. 24:15).
27 DE FEBRERO - 5 DE MARZO
BIBLIAPA VALISHCA YUYAICUNA | 1 CRÓNICAS 20-22
“Jovenguna Jehová Diosta cushilla sirvichun ayudapashunchi”
“Chaitaca ali pactachijcunaman mingapangui”
8 (1 Crónicas 22:5, liingui). Rey Davidca Jehovapa huasi ‘aligupacha juyaillagu’ cachunmi munarca. Rey Davidpa churi Salomonbash ‘chairalla huambragumi’ carca. Chaicunamandami rey Davidca pensashcanga, Salomonga Jehovapa huasita ruraitaca na ushangachu nishpa. Shinapash Jehová Diospa huasita rurachun, Jehovallata Salomonda ayudanataca Davidca seguromi carca. Chaimandami rey Davidca imapi ayudai ushashcapi paipa churitaca ayudarca.
“Chaitaca ali pactachijcunaman mingapangui”
7 Davidca tucui shunguhuanmi Jehová Diospa huasita rurangapaj munarca. Chaimandami ñuca huasitaca na ruranguichu nijpica Davidca ashtacata llaquirishcanga. Shinapash, paipa churi Salomón Jehová Diospa huasita rurachunga ashtacatami ayudarca. Davidmi trabajadorcunata aliguta organizarca, jirruta, cobreta, orota, jatun racu ali caspicunata tandachishpapash ayudarca. Shinapash ¿gentecuna paita alicachichunllu rey Davidca Jehovapa huasita rurashpa Salomondaca ayudarca? Na. Jipamanga rey David rurashpa ayudashca huasitaca, Salomón rurashca Diospa huasi nishpami gentecunaca rijsin carca. Ashtahuangarin, rey Davidca Salomondaca nircami: ‘Ñuca huahualla, Mandaj Diosca canhuan cachun. Imata ruranapipash tucuimi ali llujshinga. Shinallata canda Mandaj Taita Diospa huasigutaca Dios imashina mandashcashnallata shayachingui’ nishpa (1 Crónicas 22:11, 14-16).
Huahuacuna espiritualmente ñaupaman catichun, bautizarichun ayudapaichi
14 Congregacionmanda ancianocunapashmi taitamamacunataca ayudaita ushan. ¿Imashinata ayudaita ushan? Ancianocuna huahuacunahuan parlajushpaca, Jehovata ashtahuan sirvingapaj espiritual metacunata charina ali cashcatami parlana can. Shuj paniguca ninmi, 6 huatacunata charijpimi turi Russellca 15 minutocunapi ñuca espiritual metacunamanda parlangapaj tiempota llujchirca nishpa. Chai paniguca 70 yali huatacunatami precursora shina sirvirca. Imashinami ricupanchi shujcunata animana, ali yuyashpa parlanaca tucui causaipimi ayudan (Prov. 25:11). Ancianocunaca taitamamacunatapash, huahuacunatapash Tandanajuna Huasipi imapash ruraicunapi ayudachunmi mañanalla can. Shinapash huahuacuna rurai usharishcagutalla rurachunmi mandana can.
15 Cutin shuj huauquipanicunaca ¿imashinata ayudaita ushan? Jovengunamanda preocuparishcata ricuchishpami ayudaita ushan. Shinallata espiritualmente ñaupaman catinajujta o na catinajujtapashmi ricuna can. Tandanajuipi alipacha comentajpi, tandanajuipi shuj asignacionda cujpi, imapash jarcaicunata mishashpa shinlli feta charishcata ricuchijpi, escuelapi o colegiopi villachijpipashmi jovengunataca tucui shunguhuan felicitana capanchi. Shinallata tandanajui jipa o tandanajui nara callarijpillata jovengunahuan parlangapami esforzarina capanchi. Shina rurajpimi jovengunaca congregacionbica ali sintiringa (Sal. 35:18).
Bibliapa valishca yuyaicunata mascashunchi
w05-S 1/10 11 párr. 6
Primero de las Crónicas libropa valishca yuyaicuna
21:13-15. Jehová Diosca paipa llacta sufrijujta ricushpami chai plagata anchuchichun angelta cachamurca. Diospa llaquinaca jatunbachami can.