Levadurapa celulapica ADN nishcami tian. Chai ADN alipacha organizado cajpimi celulapica tucui alipacha funcionan. Cai celulacunapica uchilla uchilla maquinagucuna cuendami tian. Caicunami moléculas nishcacunata japishpa, agllashpa, shuj ladocunaman apashpa o shuj minishtirishca cosascunata rurashpa célula causashpa catichun ayudan.
Causai tiashcamandaca ¿imatata yachajuita ushapanchi?
Cai alpapica causaita charij ashtaca juyailla cosasgucunami tian. Y chaicunaca cuyurin, viñan y miranbash. Y caicunamandaca ashtacatami yachaj chayashcanchi. Shinapash causaica ¿imashinata tiai callarirca? Ricupashunchi.
Pipash tucuita rurashcatami cuenta japinchi. Celulacunaca uchilla ladrillocunashnami can. Shinaca imashnami pircacunaca ladrillocunahuan rurashca can. Shinallatami gentecunapash, animalcunapash, plantagucunapash célula nishcacunahuan rurashca can. Célula nishcacunaca gentecuna, animalcuna, causashpa catichunmi ayudan. Por ejemplo, tandata rurana levadurapica celulacunami tian. Shinapash gentecunapa cuerpopi tiashca celulacunahuan ricujpica, levadurapi tiashca celulacunaca yangashnallami ricurin. Shinapash na shina canllu. Levadurapa celulapica ADN nishcami tian. Chai ADN alipacha organizado cajpimi celulapica tucui alipacha funcionan. Cai celulacunapica uchilla uchilla maquinagucuna cuendami tian. Caicunami moléculas nishcacunata japishpa, agllashpa, shuj ladocunaman apashpa o shuj minishtirishca cosascunata rurashpa célula causashpa catichun ayudan. Levaduracunapi tiashca celulacunaman imapash alimento na chayajpi o imatapash na churajpica huañushca cuendami quidan. Pero tandata rurangapaj levadurata utilizajpica cutinmi causarin.
Cientificocunaca gentecunapa cuerpopi celulacuna imashna funcionajta yachangapami levadurapi tiashca celulacunata ashtaca huatacunata estudianajushca. Pero chai levadurapa celulacuna imashna funcionajtaca nara ali yachanllu. Chaimandami, Inteligencia Artificial nishcata yachachij Ross King shuti profesorca cashna nin: “Levadurapi tiashca celulacuna yangashnalla ricurijpipash, biólogos nishca alipacha estudiashca gentecunaca ashtaca experimentocunata rurashpapash cai célula imashnapacha funcionajtaca na intindi ushashcachu”.
Levadurapi tiashca celulacunaca yangashnalla ricurijpipash alipachami funcionan. Shinaca chaica ¿yangamandachu tiai callarirca? O ¿pipash rurashcajpicha tian?
Causaica ¿imashinata tiai callarirca? ADN nishcaca nucleótidos nishca moleculacunahuanmi formashca can. Y gentecunapa cuerpopi tiashca cada celulacunapimi 3 mil 200 millones de nucleótidos nishcacuna tian. Cai nucleótidos nishcacuna en orden, alipacha churashca cajpimi celulapillata encimas y proteínas nishcacuna tiachun ayudan.
Nucleótidos nishcacunaca celulapica alipacha, en orden churashcami can. Shinapash cai nucleótidos nishcacuna yangamanda tiashca cajpica alipacha, en orden na cajpimi ADN nishcaca nimamanda na tianmanllu.
Cientificocuna imatapash rurangapaca siempremi imapipash ricushpa o imatapash copiashpa ruran.
Gentecunaca juyaillata rurashcami can. Gentecunallami imatapash rurangapaca aliguta pensarinchi, shuj shuj habilidadcunata, sentimientocunata charinchi. Shinallata gentecunallami imagutapash ricushpa, imagutapash micushpa, ashnashpa, shinallata imagutapash uyashpa cushilla sintirinchi. Shinallata cushilla causangapaj imata ruranapipash pensarinchi. Cai cosascunata ruranami gentecuna cushilla causachun ayudan.
Shinaca gentecunaca ¿imamandata ashtaca juyailla cosasgucunataca rurai ushan? ¿Evolucionmanda o Taita Dios causaiguta carashcamanda?