Cientificocunaca ¿imatata na yachaj chayashca?
Cientificocuna cai universota ashtacata estudiashca cashpapash na tucuitaca yachaj chayashcachu.
Cientificocunaca universopash, causaipash imashina tiai callarishcataca na tucuita yachaj chayashcachu. Ashtaca cientificocunaca cosmología nishca cienciami universo imashna callarishcataca villanga ninmi. Shinapash Universidad de Dartmouth nishcapi, Astronomía nishcata yachachij Marcelo Gleiser shuti profesorca cashnami nin: “Universo imashina tiai callarishcataca na yachai ushapashcanchichu”.
Ña cutin causaica ¿imashinata tiai callarirca? Science News nishca revistapica cashnami nin: “Causai cai alpapi imashinapacha tiai callarishcataca talvez nunca na yachaj usharingachu. Porque punda punda tiempocunapi tiashca cosascunami cai alpapi causai imashina tiai callarishcataca ricuchi ushanman carca. Pero chaicunaca pundatallatami ña chingarishca can” ninmi. Cai comentariocunaca, cientificocuna cunangaman universopash y causaipash imashina tiai callarishcata na yachaj chayashcatami ricuchin.
Talvez pensarinchipashchari: “Causai na yangamanda tiai callarishca cajpica ¿pishi tucuita rurarca? Shuj juyaj Taita Dios tucuita rurashca cajpica ¿imamandata llaquicuna tiachun saquin? Shinallata ¿imamandata ashtaca religionguna tiachun saquin? Shinallata ¿imamandata Taita Diospi crinchi nij gentecunapash nali cosascunata rurachun saquin?”.
Cientificocunaca chai tapuicunapa respuestacunataca na contestai ushashcachu. Shinapash ashtaca gentecunami chai tapuicunapa respuestacunataca Bibliapi tarishca.
Huaquin cientificocunaca Bibliapi ima nishcata yachangapami tiempoguta llujchishca. Chaimandami cunanga Taita Diospi crin. Shinapash imamanda Taita Diospi cri callarishcata ricungapaca, jw.org paginapi “Imashina causai tiai callarishcamanda parlashca yuyaicuna” nishca parteta mascapangui.