Taita Diosca ñucanchi planetataca alichisha ninmi

Investigardorcunamanda shuj grupomi clima cambiarijushcamanda parlashpa shina nirca. Taita Dios tiajta, ñucanchimanda preocuparijta crishpaca cientificocunapa chai shimicunaca, Taita Dios cai alpata rurashpa paimandallata recuperarichun huaquin cosascunata rurashcapichari pensaringui.

Shina cajpipash gentecuna ashtacata cai planetata huaglichijpimi cai alpaca paimandallataca na ucha recuperarita ushan. Cai alpapash, cai alpapi causaipash tiashpa catichun Taita Dios imatapash rurana cashcataca ¿imamandata confiana capanchi?

Recuadropi Bibliapa textocunaca cai alpa na tucurinata, cai alpapi causai tiashpa catinatami ricuchin.

• Taita Diosmi ñucanchi planetataca rurarca. “Callaripica Taita Diosmi jahua cielotapash y cai alpatapash rurarca” (Génesis 1:1).

• Taita Diosmi ñucanchipa planetapa dueño can. ‘Cai pachaca, caipi imalla tiajcunandimi Mandaj Diospa’a (Salmo 24:1).

• Taita Diosca cai planetataca nunca ama tucurichunmi rurarca. “Paimi, cai pachataca callari rumicunapaj jahuapi churarca. Shinamandami, ima horapash na anchuringa” (Salmo 104:5).

• Taita Diosca ñucanchi planetapica siempremi causai tianga ninmi. “Cai pachatapash ruraj Taita Diosca, […] na yanga tiachunga rurarcachu, ashtahuangarin chaipi causanajuchunmi rurarca” (Isaías 45:18).

• Taita Diosca ñucanchi planetapica siempremi gentecuna causanga ninmi. “Imatapash cashcatapacha rurajcunami, llactataca japinga. Chai llactapica, causaitami causanajunga” (Salmo 37:29).

Taita Dios cai alpata rurashcamandami cai alpapi imalla tiashcacunata gentecuna ali utilizajpica, cai alpapi causaica tiashpa catinga. Bibliapi profeciacuna nishcashnaca culquimanda cai alpata huaglichijcunata, contaminajcunataca Jehová Diosca ñallami tucuchinga (Apocalipsis 11:18).

Bibliapica ninmi, cai alpata huaglichijcunata tucuchishpaca, Taita Diosca ñucanchi planetataca shuj juyailla paraisota rurashpami, ‘causaita charijcunatapash tucuicunata ninanda bendicianga’ nishpa (Salmo 145:16).