LECCIÓN 05
Bibliaca Taita Diospa Shimimi can
Jehová Diosca paimanda yachajuchunmi ñucanchimanga Bibliata cushca. Bibliaca 66 librocunatami charin. Shinapash: “Bibliaca ¿imashinata tiai callarirca? o ¿Bibliataca pita escribichirca?” nishpami tal vez tapuripashcangui. Caita yachangapaca Biblia imashina cunangaman tiashcata yachajupashunchi.
1. Bibliataca huaquin jaricunami escribirca, shinapash ¿imamandata Taita Diosmi escribichirca nishpa nipanchi?
Bibliataca 40 jaricunami escribirca. Paicunaca más o menos 3500 huatacuna huashamanmi escribi callarirca y más o menos 1900 huatacuna huashamanmi escribi tucuchirca. Shuj shuj ladocunamanda, shuj shuj costumbrecunata charij escritorcuna cajpipash Bibliapa yuyaicunaca na cambiashcachu. ¿Imamandata na cambiashca? Porque Taita Diosmi escribichijurca (1 Tesalonicenses 2:13, liipangui). Cai escritorcunaca na paicunapa propio yuyaicunata escribircachu. Paicunaca ‘Taita Dios paipa espíritu santohuan ayudajpimi’ escribinajurca (2 Pedro 1:21).a Jehová Diosca paipa yachachishcacunata Bibliapi escribichunga paipa espíritu santohuanmi chai escritorcunataca ayudarca (2 Timoteo 3:16).
2. ¿Tucuicunatachu Bibliaca ayudaita ushan?
Jehová Diosca ‘tucui llacta gentecuna, tucui jatun familiacuna, tucui idiomacunata parlajcuna y tucui pueblocuna’ Bibliamanda yachajuna cashcatami nirca (Apocalipsis 14:6, liipangui). Cunanbica shuj librocunatapash yalimi shuj shuj shimicunaman Bibliataca traducishca. Tucui gentecunami Bibliamandaca yachajuita ushan.
3. Biblia tiashpa catichunga ¿imatata Jehová Diosca rurashca?
Punda tiempocunapica animal caracunapi o papirohuan rurashca hojacunapimi Bibliataca escribirca. Chai materialcunaca huaglinlla o liquirinllami carca. Huaquin huatacuna jipamanga Bibliata ninanda valichimandami huaquin gentecunaca tauca copiacunata rurarca. Chai copiacunataca paicunapa maquihuanbachami escribirca. Shinapash autoridadta charij gentecuna Bibliacunata tucuchishpa saquingapaj munajpipash, huaquingunaca paicunapa causaitapash peligropi churashpami Bibliataca difindirca. Jehová Diosca ñucanchihuan parlangapaca imapash jarcachunga na saquishcachu. Chaimandami Bibliapica, “Taita Diospaj Shimica, causaita causaicaman causajunllami” nin (Isaías 40:8).
ASHTAHUAN YACHAJUPASHUNCHI
Bibliata escribichun huaquin jaricunata Jehová Dios imashina ayudashcata, cunangaman Biblia tiashpa catichun, gentecuna Bibliata charichun imacunatalla Jehová Dios rurashcata ricupashunchi.
4. Bibliapillatami pi Bibliata escribichishcataca ricuchin
VIDEOTA ricushca jipa 2 Timoteo 3:16ta liishpa, cai tapuicunata contestapangui:
Bibliata gentecuna escribishca cajpica ¿imashpata Bibliataca Taita Diospa Shimimi can nipanchi?
¿Bibliapi yuyaicunaca ciertopachachu Taita Diospa yuyaicuna can?
Shuj secretarioca paipa jefe ima nishcatami escribin. Bibliahuanga shinallatami pasarca: huaquin gentecunami escribirca. Pero paicunaca Jehová Diospa nishcacunatami escribirca
5. Tucuchingapaj munajpipash Bibliaca cunangamanmi tiashpa catishca
Biblia tiashpa catichunga Jehová Diosllatami cuidamushca. Pundamandapachami huaquin gobiernocunaca tucuchingapaj munashca. Sacerdotecunapash Bibliata liichunga na munashcachu. Bibliata charijpica huañuchishunmi nijpipash huaquingunaca propio causaita peligropi churashpami Bibliataca difindirca. Pi chaita rurashcata ricupashunchi. VIDEOTA ricushpa, cai tapuita contestapangui:
Bibliata difindishcata uyashpaca ¿nachu ashtahuan liingapaj munapangui?
Salmo 119:97ta liishpa, cai tapuita contestapangui:
Bibliata traducingapaj, shujcunamanbash Bibliata chayachingapaca ¿imamandata ashtaca gentecunaca causaitapash peligropi churashpa ninanda esforzarirca?
6. Bibliaca tucuicunapami can
Bibliaca tucui librocunatapash yalimi shuj shuj shimicunaman traducishca libro can. Hechos 10:34 y 35ta liishpa, cai tapuicunata contestapangui:
Jehová Diosca ¿imamandata paipa Shimi Bibliataca shuj shuj idiomacunaman traducichun munan?
Bibliamandaca ¿imatata ashtahuan gushtapangui?
Casi
tucui
gentecunallatami
paicunapa propio shimipi Bibliataca chari ushan
Bibliaca
3 mil
yali idiomacunapimi
entero cashpa o huaquin partecunalla cashpapash ña traducishca can
5 mil millón
yali Bibliacunatami imprimishcanchi.
Chaica shuj librocunatapash yalimi cashca
HUAQUINGUNACA, “Bibliaca punda punda tiempomanda libromi can” ninmi.
Quiquinga ¿imatata pensapangui?
Biblia Taita Diospa Shimi cashcataca ¿imamandata yachapanchi?
YARINGAPAJ
Bibliaca Taita Diospa Shimimi can. Paica tucui gentecuna Bibliata charichunmi munan.
¿Imatata yachajupashcanchi?
Bibliata escribichun huaquin jaricunata Jehová Dios yarichirca nishpaca ¿imatata ningapaj munan?
Biblia cunangaman tiashpa catichun, traducingapaj, tucui gentecuna chari ushachun huaquinguna ninanda esforzarishcata ricushpaca ¿imatata pensapangui?
Jehová paita rijsichun munaimanda ashtacata rurashcata ricushpaca ¿imashinata sintiripangui?
CAITAPASH RICUPAI
Biblia pundamandapacha cunangaman imashina tiashpa catishcata ricupai.
“Bibliaca ¿imashinata cunangaman tiashpa catishca?” (Rijcharipaichi revista, noviembre de 2007)
Bibliata tucuchingapaj munajpipash imashina cunangaman tiashpa catishcata ricupai.
“¿Imashinata Bibliaca cunangaman tiashpa catishca?” (Villajun revista, julio de 2016)
Bibliata traducingapaj imacunatalla huaquinguna rurashcata ricupai.
Bibliamandaca ashtaca copiacunata, traducciongunatapashmi rurashca. Shinapash ¿imashinata Bibliapi Jehová Diosmanda cabalta yachachijtaca yachapanchi?
“¿Bibliata copianajushpaca cambiashpaimanllu escribishca can?” (jw.org paginapi ricupangui)