Familiapi cushilla cangapaca ¿imatashi rurana capanchi? (parte 2)

Huahuacunaca Jehová Diospa regalomi can. Jehová Diosca taitamamacuna chai valishca regalota cuidachunmi munan. Chaita pactachi ushachunga Jehová Diosca alipacha consejocunata cushpami taitamamacunataca ayudan. Shinallata familiapi cushilla causaigu tiachunga huahuacunamanbashmi alipacha consejocunata cun.

1. Jehová Diosca ¿ima consejocunata taitamamacunamanga cushca?

Jehová Diosca taitamamacuna huahuacunata juyachun y paicunahuan yalingapaj tiempoguta llujchichunmi munan. Ashtahuanbash imapash peligrocunamanda cuidachun, shinallata Bibliapa nishcacunata catishpa huahuacunata viñachichunmi Jehová Diosca munan (Proverbios 1:8). Huahuacunata viñachinamanda parlashpami, taitamanga Bibliapica ‘Jehová Dios nishcashna consejashpa viñachina capanguichi’ ninmi (Efesios 6:4, liipangui). Huahuacunata viñachina responsabilidadtaca na shujcunaman minganachu can. Jehovapa nishcacunata catishpa taitacunallata huahuacunata ali viñachijta ricushpaca Jehová Diosca ninandami cushijun.

2. Jehová Diosca ¿ima consejocunata huahuacunamanga cushca?

Huahuacunamanga Jehová Diosca “taitamamataca siempremi cazuna capanguichi” nishpami mandan (Colosenses 3:20, liipangui). Huahuacuna paicunapa taitamamacunata respetajta y cazujta ricushpaca, taitamamacuna y Jehová Diospash ninandami cushijun (Proverbios 23:22-25). Jesusca perfectomi carca, pero paipa taitamama imperfectocuna cajpipash, paicunataca siempremi respetohuan tucuipi cazun carca (Lucas 2:51, 52).

3. Jehová Dioshuan ashtahuan ali amigo cangapaca ¿imatata familiapica tucuicunallata ruraita ushan?

Huahuacunata charishpaca paicunapash Jehová Diosta ninanda juyachunmi munapangui. Pero paicunata ayudangapaca Bibliapa cai consejota catinami ayudanga: Jehová Diospa nishcacunataca “ñanda purijushpapash, huasipi cashpapash, puñungapaj sirijushpapash, jatarijushpapash, cambaj huahuacunaman cutin cutin yachachingui” (Deuteronomio 6:7). Huahuacunaman imagutapash yachachijushpa ama cungachunga, cutin cutin yachachina cashcataca alimi yachapangui. Cai textopi nishcashnaca huahuacunaman Jehová Diosmanda yachachingapami taitamamacunaca tucui oportunidadcunata aprovechana can. Shinallata cada semana familiahuan Bibliata estudiangapami tiempota llujchina can. Huahuacunata na charishpapash cada unomi Bibliata estudiana canchi. Chaita ruranaca ninandami ayudan.

ASHTAHUAN YACHAJUPASHUNCHI

4. Huahuacunataca juyaihuanmi yachachina capanguichi

Huahuacunata aliguta yachachishpa viñachinaca dificilmi caita ushan. Bibliaca ¿imashinata ayudaita ushan? Santiago 1:19 y 20​ta liishpa, cai tapuicunata contestapangui:

• Taitamamacuna paicunapa huahuacunahuan parlanajushpaca ¿imashinata paicunata juyashcataca ricuchita ushan?

• ¿Imamandata taitacunaca culira cashpaca nunca na huahuacunataca disciplinana can?a

5. Huahuacunataca cuidanami capanguichi

Huahuacunata cuidangapaca cada unohuan sexualidadmanda parlanaca importantepachami can. Shinapash chaicunamanda parlanaca na fácil caita ushanllu. VIDEOTA ricushpa, cai tapuicunata contestapangui:

VIDEO: Ñucanchi huahuacunata nali cosascunamanda cuidashunchi (2:58)

• Relaciones sexualescunamanda huahuacunahuan parlanaca ¿imamandata huaquin taitamamacunapaca difícil can?

• Cai temamanda huahuacunahuan parlachunga ¿imata huaquin taitamamacunataca ayudashca?

Bibliapi nishcashnallatami cai mundopi nali ruraicunaca ashtahuan mirashpa catijun 2 Timoteo 3:1 y 13​ta liishpa, cai tapuita contestapangui:

• Verso 13​pi parlashca huaquin nali gentecunaca, menor de edad huahuacunatami abusan. Shinaca ¿imamandata taitamamacunaca huahuacunaman relaciones sexualesmanda parlanaca importante can? Shinallata huahuacunata ama abusachun cuidangapaca ¿imatata rurana can?

¿Yachaparcanguichu?

Testigo de Jehovacunaca taitamamacuna huahuacunaman relaciones sexualesmanda parlashpa yachachichunmi ashtaca revistacunata publicashca. Shinami taitamamacunaca huahuacunata ama pipash abusachun cuidaita ushan. Cai yuyaicunami llujshipashca:

• Huahuacunata cuidapaichi (video)

• Jesusmanda yachajupashunchi, capítulos 10 y 32

• “¿Imashinata huahuacunahuanga relaciones sexuales temamanda parlaita ushapangui?” (Rijcharipaichi revista 2016, Número. 5)

6. Quiquinba taitamamata respetapangui

VIDEO: Taitamamahuan imashina parlanamanda (2:19)

• Jovengucuna paicunapa taitamamacunahuan parlanajushpa ¿imamandata respetohuan parlana ali can?

• Jovengunaca ¿imashinata paicunapa taitamamacunata respetohuan trataita ushan?

Proverbios 1:8​ta liishpa, cai tapuita contestapangui:

• Taita o mama imatapash rurachun mandajpica jovengunaca ¿imatata rurana can?

7. Familiahuan Jehová Diosmanda yachajupanguichi

Testigo de Jehovacunaca cada semanami familiahuan Jehovata Diosta adorangapaj tiempoguta llujchin. Familiahuan adorana tutaca ¿imashinata can? VIDEOTA ricushpa, cai tapuicunata contestapangui:

VIDEO: Familiahuan Adorana Tuta ¿Ima jarcaicunata tian? ¿Imamandata ali can? (8:04)

• ¿Familiahuan adorana tutata cada semana charichunga imata ayudanga?

• Taitamamacunaca familiahuan adorana tutapi tucuicunallata cushilla yalichunga ¿imatata ruraita ushan? (Callari paginapi fotota ricupangui).

• Quiquindaca familiahuan Jehová Diosmanda yachajuchunga ¿imapash jarcajunllu? ¿Shina cajpica imata jarcajupan?

Punda tiempopipashmi Jehová Diosca israelitacuna paicunapa familiahuan Bibliamanda yachajuna costumbreta charichun munan carca. Deuteronomio 6:6 y 7​ta liishpa, cai tapuita contestapangui:

• Cai consejotaca ¿imashinata pactachi ushapangui?

Adoración en familiata rurangapaj yuyaicuna:

• Reuniongunapa ali prepararipaichi.

• Familia entero gushtaj Bibliapa ejemplocunata liishpa comentapaichi.

• Huahuacunata charishpaca, huahuacunapa informacionda jw.org paginamanda descargashpa imprimipaichi.

• Jovenlla huahuacunata charishpaca, jovengunapa informacionda jw.org paginapi mascapaichi.

• Bibliapi parlashca historiacunamanda shuj dramata rurapaichi.

• jw.org paginapi shuj videota ricushpa comentapaichi.

YARINGAPAJ

Jehová Diosca taitamamacuna paicunapa huahuacunata juyachun aliguta yachachishpa cuidachunmi munan. Shinallata huahuacunapash taitamamacunata respetachun tucuipi cazuchunbashmi munan. Y adoración en familiata rurachunbashmi munan.

¿Imatata yachajupashcanchi?

• ¿Imashinata taitamamacunaca huahuacunata aliguta yachachishpa imapash peligromanda cuidaita ushan?

• Huahuacuna paicunapa taitamamata respetashcataca ¿imashinata ricuchita ushan?

• Familiahuan cada semana Jehovata adorangapaj tiempota llujchinaca ¿imashinata ayudaita ushan?

CAITAPASH RICUPAI

¿Ima informacionda yachajunata quiquinba churi ña joven cajpi ayudanga?

“Huahuacunata ali viñachi ushangapaj 6 consejocuna” (Rijcharipaichi revista 2019, Número. 2)

Mayor gentegucunata cuidajcunapa consejocunata liipangui.

“¿Mayoriashca taitamamacunata cuidachunllu Taita Diosca mandan?” (jw.org paginapi ricupangui)

Shuj huauquiguca huahuacunata imashina viñachinataca na yacharcachu. Pero jipaman imashina shuj ali taita tucushcata ricupai.

Ñucanchi huahuacunata ali viñachichunga Jehová Diosmi ayudarca (5:58)

Taitacuna paicunapa huahuacunahuan imashina ali llevari ushashcata ricupai.

“Churicunamanda ama alejaringapaca ¿imatata taitacunaca rurana can?” (Villajun revista, 1 de noviembre de 2011)