Jesús huañushcata yarina punlla chayamujushcamandaca ¿imashinata cushijushun?

1. Marzo, abril, mayo quillacunapica ¿imata rurashpata ashtahuan cushijupanguiman?

¹ Marzo, abril, mayo quillacunapi ashtahuan cushijungapaca ashtahuan villachipashunchi. Usharijpicarin precursorado auxiliarta japipashunchi. Shinapash ¿imamandata precursorado auxiliarta japishpaca ashtacata cushijushun?

2. ¿Imamandata ashtahuan villachishpaca ashtahuan cushijunchi?

² Ashtahuan cushijushunchi. Jehová Diosca paita rijsishpa paita adorana munaihuanmi gentecunataca rurarca. Shinallata shujcunaman carashpa cushijuchunmi ñucanchitaca rurarca. Ñucanchicunaca villachishpami Jehová Diostapash adoranchi, shuj gentecunatapash ayudanchi (Mat. 5:⁠3; Hech. 20:35). Shinaca ashtahuan villachishpaca ashtahuanmi cushijushun, Bibliatapash ashtahuan alimi yachachishun. Shinallata villachina manllaitapash mishashpami cushilla sintirishun. Ashtahuangarin, ashtahuan gentecunamanmi villachitapash, Bibliamanda yachachitapash ushashun.

3. ¿Imamandata marzo, abril quillacunapi precursorado auxiliarta japinaca ali canman?

³ Marzo, abril quillacunapica ¿imamandata precursorado auxiliarta japinaca ali canman? Chai quillacunapica 30 ó 50 horascunata villachina cashpapash agllanallami canchi. Shinallata sábado 22 de marzomanda lunes 14 de abrilcamanga Jesús huañushca punllata yarina tandanajuiman gentecunata invitangapami shuj jatun campaña tianga. Chai punllacunapica congregacionbi huauquipanicunaca tucuilla paicunapa territoriopi villachingapami ocupado ocupado canga (Sof. 3:⁠9).

4. Precursorado auxiliarta japingapaj munashpaca ¿imatata rurana capanchi?

⁴ Ñamandallata seguraripashunchi. Shuj o ishcai quillacunata ashtahuan villachingapaj munashpaca ñamandallatami ima horasta villachi ushani nishpa pensarijuna canchi. Jehovatapash mañanami canchi (Sant. 1:⁠5). Ñucanchi familiahuan, congregacionbi huauquipanicunahuanbash parlarinami canchi (Prov. 15:22). Shinami ungushca cashpa o punlla entero trabajanajushpapash precursorado auxiliarta japishpa ninanda cushijushun.

5. Marzo, abril, mayo quillacunapi ashtahuan villachishpaca ¿imashinata sintirishun?

⁵ Jehová Diosca paita sirvijcuna cushijuchunmi munan (Sal. 32:11). Shinaca marzo, abril, mayo quillacunapi ashtahuan villachishpaca ashtahuanmi cushijushun, Jehová Diostapash ashtahuanmi cushichishun (Prov. 23:24; 27:11).