Estudiangapaj consejocuna

Huahuacunata yachachingapaj ayudacuna

Taitamamacunaca huahuacunata Jehová Diosmanda yachachina jatun responsabilidadtami charin (Efes. 6:4). Chai responsabilidadta pactachichunga, Jehovapa organizacionga ashtaca ayudacunatami llujchishca. ¿Imashinata chai ayudacunataca aprovechaita ushapangui?

• Huahuacunapa informacionda mascapangui. JW.ORG paginapica huahuacunapa, jovengunapa, videocuna y shuj shuj temacunapashmi tian.a Chai informaciongunata taringapaca “Bibliapa yachachishcacuna” nishca partepi yaicushca jipaca “Huahuacuna” “Jovenguna” nishca partecunaman yaicupangui.

• Quiquinba huahuacunata yachachingapaj informacionda agllapangui. “Huahuacuna” nishca partepica videocunata, canciongunata y shuj shuj temacunatami agllaita ushapangui.

• Chai informaciongunamanda quiquinba huahuacunahuan parlapangui. JW.ORG paginapi videocunata, informaciongunataca na yangata ricuchunlla o ocupado yalichunlla quiquinba huahuacunaman ricuchinachu capangui. Chaipa randica, chai informaciongunata huahuacunahuan igual yachajushpa Jehovapa amigo tucuchun ayudapangui.