Bibliaca Diospa Limayninmi ya’anchicpä

Jehová umalanchic juc tuqui regalucta: Bibliaćhu cayan 66 librucuna. Ichaćh tapucunqui: “¿Imanuypam licalila Bibliaca? ¿Mayanmi Bibliata lulala?”. Caycunacta yaćhananchicpä, yaćhaśhun cay yaćhachicuycäćhumi.

1. Bibliaca nunacunap escribishan cayaptin’a, ¿imapïmi Diospa Limaynin ninchic?

Bibliata 40 hombricunam escribila paycuna imaymana trabajuyümi capäcula. Jesús manala captin 1513 wataćhu escribïta allaycula camacala 98 wataćhu Jesuspa tiempunpi ipaman. 1,600 watam Bibliata escribïta camacala. Masqui 40 hombricuna escribiluptinpis enterun Bibliaca juc piensamientullam cayan. Diospa Limaynin captinmi (liguicuy 1 Tesalonicenses 2:13). Hombricunaca manam quiquinpa pensamientuntachu escribila. Aśhwanpa, “Diospi nipäcula quiquin Tayta Dios Chuya Ispiritunpa caminaycuptinmari” (2 Pedro 1:21).a Chuya espiritunwanmi, Dios escribichila hombricunawan pensamientuncunacta (2 Timoteo 3:16).

2. ¿Mayancunapämi Dios Bibliata escribichila?

Dios munanmi “llapa [...] nasyuncunaman, llapa caśhtacunaman, imaymana limayćhu” paycuna yaćhananpä (liguicuy Apocalipsis 14:6). Chaymi Bibliaca cayan imaymana limayćhu. Manam ima librupis Biblianü’a imaymana limayćhu canchu. Llapan yupay nunacuna mayćhu yaćhalpis, imaymana limayninćhumi Bibliata uywapäcunman.

3. ¿Imactam Jehová lulala Bibliaca mana chincananpä?

Bibliata escribila uywap utancunaćhu ñatac papiro plantaćhu chaycuna ismullam cayan. Chaymi Bibliapa nishan mana chincananpä Diosta cuyä nunacuna Bibliata maquillawan achca copiacunacta lulapäcula. Calatacmi Bibliata chincachï muná nunacuna, pero allin śhun’uyü nunacuna wañuytapis manam manchaculachu Bibliata proteginanpä. Jehová imactapis lulala limayninta proteginanpä ya’anchicpä. Bibliaca nin: ‘Tayta Diospa limanninñatacmi icha wiñay-wiñaypä’ (Isaías 40:8).

MASTA YAĆHAYCUŚHUN

4. Bibliallam willamanchic mayan Bibliata lulaśhanta

Licaśhun VIDEUCTA. Chaypi’a liguiśhun 2 Timoteo 3:16 ñatac limaśhun caypi:

VIDEO: ¿Mayanpa limayninćha Bibliaca? (videupi partillan) (2:48)

• Bibliaca hombrip lulaśha cayaptin’a, ¿imapïmi ninchic Diospa Limaynin?

• ¿Imanuypam hombricuna escribinan cala Diospa pensamientuncunacta?

5. Bibliata nunacunam chincachita munapäcula

VIDEO: Atesoraron la Biblia (fragmento sobre William Tyndale) (6:17)

• Lluy lulaśhancunacta yaćhalul Bibliata proteginanpä, ¿manachun Bibliata liguinayquipä callpanchacunquim?

Liguiśhun Salmo 119:97 ñatac limaśhun caypi:

• Cay texto nishannü, ¿imapïmi achca nunacuna wañuy patanpiña capäcula Bibliata proteginanpä?

6. Bibliaca llapa nunacunapämi

Bibliaca achca limaycunaćhumi escribiśha cayan mana Biblianü’a ima librupis canchu. Liguiśhun Hechos 10:34, 35 ñatac limaśhun caypi:

• ¿Imapïmi Dios munan Bibliaca imaymana limayćhu ñatac aypuśha cananta?

• ¿Imapïmi ampä Bibliaca mas allin?

IMACTAM YAĆHALUNCHIC

Bibliaca Diospa Limayninmi, pay munan Bibliata llapanchic uywananchictam.

Yalpaśhun

• ¿Imapïmi ninchic Bibliaca Diospa Limayninmi?

• ¿Ima ninquim Bibliaca imaymana limayćhu aypuśha caśhampi?

• ¿Imanuymi sintinqui yaćhalul Jehová Bibliata ya’anchicpä lulaśhampi?

MASTA YAĆHANAYQUIPÄ

Bibliata canancama uywananchicpä imacunam pasala, chayta yaćhanayquipä liguicuy.

“Cómo nos llegó la Biblia” (¡Despertad!, noviembre de 2007)

Imapïmi Bibliata mana chincachita atipalachu, chayta yaćhanayquipä liguicuy.

“La Biblia. Una historia de supervivencia” (La Atalaya, núm. 4 2016)

Licay waquin nunacuna Bibliata lulaśhampi imaymana limayćhu cananpä.

Atesoraron la Biblia (14:26)

Bibliaca achca copiaćhumi achca limaycunaćhumi lulala. Cayta lulal, ¿cambialachućh Biblia nishanta?, chayta yaćhanayquipä liguicuy.

“¿Se ha cambiado o manipulado la Biblia?” (Artículo de jw.org)