¿Imanuypa adorananchictam Jehová munan?

Ña yaćhaśhanchicnü, Jehovapä manam llapan religiuncunaćhu allin. ¿Imanuypam “Jehová munan adorananchicta” o ima “religiunmi” allin paypä? (Santiago 1:27; nota, TNM). Licaśhun Bibliapa yaćhachiśhanta.

1. ¿Ima librum yaćhachimanchic Jehovata adorananchicpä?

Diosta imanuypa adorananchicpämi Bibliaćhu yaćhachimanchic. Jesusmi Diosta nila: “Limaynïqui rasuncämi” (Juan 17:17, TNM). Waquin religiuncunaćhu Bibliapi mana yaćhachilmi, quiquinpa costumbrillanta munaśhallanta yaćhachipäcun. Pero Jehová manam munanchu mandatuncunacta jalutäcunanta (liguicuy Marcos 7:9). Bibliaćhu nishanta cäsucuptinchicmi ichá Jehová allicta cushicun.

2. ¿Imanuypam Jehovata adorananchic?

Jehovami Licalichimänïnchic, chaymi payllacta adorananchicta munan (Apocalipsis 4:11). Dios manam munanchu taytacha, mamachacunacta adorananchicta, manatacmi payta adorachwanchu taytachacunawan (liguicuy Isaías 42:8).

Jehová munan adoracionninchic paypä “chuya-chuya” canantam. (Romanos 12:1, TNM). Chaypämi mandamientuncunacta cäsucunanchic. Juc ejemplo, walmicari cusca cawsacuyta munal casaraculcananmi. Diosta sirvicunaca manatacmi shincaśhunchu, cigarructapis fumaśhunchu, cocactapis ćhäćhaśhunchu nï drogacuśhunchu.a

3. ¿Imapïmi Jehovata adorananchic juccunawan utunacuycäćhu?

Hermanunchiccunawan cada semana ‘utunaculmi alawanchic Jehovata’ (Salmo 111:1, 2, TNM) Chaypi’a adoranchictacmi taquicunawanpis (liguicuy Salmo 104:33). Jehová cuyamaśhanchicpïmi mandamanchic utunacunanchicpä, chayta cäsucuptinchicmi yanapamäśhun wiñay-wiñay cushisha cawsacunanchicpä, ñatac hermanunchiccunawanpis animanacunchic.

MASTA YAĆHAYCUŚHUN

4. Manam allinchu Jehovata adorayca taytachacunawan

VIDEO: ¿Quiere Dios que usemos imágenes para adorarlo? (3:26)

• Israelcunapa tiempunćhu, ¿imam pasala taytachacta adoralaliptin?

Waquin nunacuna nipäcun taytachacunacta mañacul Diosmanmi aśhuycuyá. Pero chaywan, ¿manachun Diospi masta calupäluchwan? Liguiśhun Éxodo 20:4-6 ñatac Salmo 106: 35, 36, ñatac limaśhun caypi:

• ¿Imacunawanmi nunacunaca Diosta adorapäcun?

• ¿Ima ninmi Jehová taytachacunacta mañaculcaptin?

• ¿Allinchun canman taytachacunacta mañacuyca?

5. Jehovallacta adoraptinchic libramäśhunmi pantaśha yaćhachicuycunapi

VIDEO: Libre gracias a la verdad (5:16)

Liguiśhun Salmo 91:14 ñatac limaśhun caypi:

• Jehovallacta cuyaptinchic, payllacta adoraptinchic, ¿imanuypam pay yanapamäśhun?

6. Diosta adoranchic utunacuycunaćhumi

Utunacuycunaćhumi Jehovata alawanchic taquicunawan, comentaycunawan, ñatac hermanunchiccunawanpis animanacunchic. Liguiśhun Salmo 22:22 ñatac limaśhun caypi:

• ¿Gustaśhunquichun utunacuycunaćhu juccuna comentaptin?

• ¿Gustaśhunquimanchun utunacuycunaćhu comentayta?

7. Jehová cushicunmi Bibliapi yaćhachiśhancunacta juccunaman willaycuptinchic

Mayćhu calpis Diospi juccunaman willaycuchwanmi. Liguiśhun Salmo 9:1 ñatac 34:1, ñatac limaśhun caypi:

• Llapan Bibliapi yaćhaśhayquicunacta, ¿mayannintam willaycuyta munanqui juccunaman?

IMACTAM YAĆHALUNCHIC

Jehová cushicunmi payllacta adoraptinchic, utunacuycunaćhu alawaptinchic ñatac yaćhaśhanchiccunacta juccunacta willaptinchic.

Yalpaśhun

• ¿Ima librum yaćhachimanchic Jehovata adorananchicpä?

• ¿Imapïmi Jehovallacta adorananchic?

• ¿Imapïmi Jehovata adorananchic juccunawan utunacuycäćhu?

MASTA YAĆHANAYQUIPÄ

Juc walmi willacun taytachacunacta manaña adoraśhanta. Chayta yaćhanayquipä liguicuy.

“La Biblia les cambió la vida” (La Atalaya, 1 de julio de 2011)

Yaćhay waquin yanapaycunacta comentanayquipä utunacuycunaćhu, liguiy.

“Alabemos a Jehová en la congregación” (La Atalaya, enero de 2019)

Juc walaśhta imanuypam yanapala utunacuycunaman liptin, licay videucta.

Jehová se interesa por mí (3:07)

Achca nunacunam creipäcun, Diosta cruzcäwan adorachwanmi, ¿allinchućh canman chay? Liguiy.

“¿Por qué no usan la cruz los testigos de Jehová?” (Artículo de jw.org)