YAĆHACHICUY 3
¿Confiachwanchućh Bibliaca nishanman?
Bibliaćhumi yaćhachicuycunacta talinchic allin cawsananchicpä. Ichaćh am caycunapi yaćhayta munanqui. Pero ayveces tapucunquichun. ¿Confiamanchun juc unay-unay libruman? ¿Rasunpachun Bibliapa nishan śhamü tiempupä? Achca nunacunam nipäcun Bibliaca nishan rasunpam. Ampis yaćhanquimanmi Bibliaca niśhampi.
1. ¿Bibliapa ima willaśhancunapis pasälachun?
Bibliaca nianmi “rasunpa limaycallam” escribiśha cayan (Eclesiastés 12:10, TNM). Rasunpa pasaśhancunactam limayan Bibliaca chay tiempo nunacunapi. (liguicuy Lucas 1:3 ñatac 3:1, 2). Achca yaćhayniyü-nunacunaca nipäcun Bibliaćhu ima willacuśhampis rasunmi, imay, mayancuna ñatac mayćhu caśhanta.
2. ¿Imapïmi Bibliaman confianchic masqui unay libro captinpis?
Bibliaca willaculañam canan tiempo yaćhayniyü-nunacunaca yaćhaśhancunacta, Bibliata escribiśhan tiempućhu manala nunacuna yaćhapäcuptin. Chaymi yaćhayniyü-nunacunaca tantialun Bibliapa willacuśhancuna rasunpa caśhanta. Bibliapa nishancuna “wiñay-wiñaypä tacyaycachishamá” (Salmo 111:8).
3. ¿Imapïmi confianchic Bibliaca niśhanta śhamü tiempupi?
Bibliami willacun “manala imacunapis pasaśhancunacta” (Isaías 46:10, TNM). Bibliaca willaculañam achca watacuna faltayaptinla lluy pasaśhancunäta. Willacuyantacmi canan tiempućhu nunacuna imanuy cananta. Cay yaćhachicuycäćhu yaćhaśhun Bibliaćhu nishancuna lluy cumpliyäśhancunacta.
MASTA YAĆHAYCUŚHUN
Yaćhaśhun yaćhayniyü-nunacuna talishan Bibliapa nishanwan tincuśhanta yaćhaśhuntacmi Bibliaca willacuśhan cumpliyäśhancunacta.
4. Bibliapa nishanwan tincunmi yaćhayniyü-nunacuna nishan
Unay tiempućhu nunacuna nipäcula, cay allpaca imawanpis chalachiśham cayan. Licaśhun VIDEUCTA.
Tantiaśhun Job libruta escribishan 3,500 watañam pasalun. Liguiśhun Job 26:7 ñatac limaśhun caypi:
¿Ima ninquimanmi Bibliapa nishan cay allpaca ‘jinanllaćhu walcaśhanü’ caśhampi?
Yacuta lupay unuchiptin, wapsilcul pucutayman muyulcul tamiamun. Pero 200 watayälami nunacunaca chayta yaćhalun, achca watacunapiñam Bibliaćhu willaculaña. Liguiśhun Job 36:27, 28 ñatac limaśhun caypi:
Am, ¿ima ninquim cay textuca niśhampi?
¿Yanapaśhunquichun cay textuta liguiśhayqui Bibliaman masta confianayquipä?
5. Bibliaca unaypi willacuśhan cumplilam
Liguiśhun Isaías 44:27-45:2 ñatac limaśhun caypi:
¿Imacunactam nila Bibliaca Babilonia malcata chincachinanpä 200 watala faltayaptin?
539 wataćhu manalapis Jesucristo captin Persia malcaćhu mandacü Ciro śhutiyü Babilonia malcata chincächila. Babiloniacta yaycunanpä juc mayu atajacatam jucwaman laquila. Ñatacmi malcapa puncunta talila quićhalayäta, chaymi manaña pilyallal yaycula. Chaycuna pasala 2,500 watañam canancamapis Babilonia malca jinallam chincaśha cayan. Bibliaca chaytam nila.
Liguiśhun Isaías 13:19, 20 ñatac limaśhun caypi:
Bibliaca unaypi willacuśhan, ¿imanuypam cumplila?
Babilonia malca caynümi cayan, Irak malcaćhu cayan
6. Bibliaca willaculañam canan tiempućhu ima pasanancunacta
Bibliaca nianmi, cawsayanchic “camacay tiempucunaćhu” (2 Timoteo 3:1). Imacunam pasanan cayan, chaytam yaćhaśhun.
Liguiśhun Mateo 24:6, 7 ñatac limaśhun caypi:
¿Ima puydicunactam willacula Bibliaca canan tiempupä?
Liguiśhun 2 Timoteo 3:1-5 ñatac limaśhun caypi:
Biblia nishannü, ¿imanuymi nunacuna canan tiempućhu cayalcan?
¿Bibliaćhu liguiśhanchicnüchun canan tiempućhu nunacuna cayalcan?
WAQUINCUNA NIPÄCUN: “Bibliaćhu achca cuentucunallam cayan”.
¿Ima yaćhaśhayquicunam yanapaśhunqui Bibliaman confianayquipä?
IMACTAM YAĆHALUNCHIC
Yaćhayniyü-nunacuna nishan, Biblia willacuśhan cumpliśhancuna licachin Bibliaman confiananchicpä.
Yalpaśhun
¿Bibliaca nishan rasunpachun o cuentucunallachun?
¿Bibliaca nishan tincunchun yaćhayniyü-nunacunapa nishanwan?
¿Bibliaca willacuśhan śhamü tiempupä rasunpachućh?
MASTA YAĆHANAYQUIPÄ
¿Tincunchun Bibliaca yaćhayniyü-nunacuna nishanwan?
“¿Concuerda la Biblia con lo que ha descubierto la ciencia?” (Artículo de jw.org)
¿Imanuypam yaćhanchic “camacay tiempucunaćhu” cawsaśhanchicta?
“Seis profecías bíblicas en pleno cumplimiento” (La Atalaya, 1 de mayo de 2011)
¿Imactam nilaña Grecia nacioncäpi? Licaycuy atïnin videucta.
Liguicuy, imanuypam Bibliaca willacuśhan yanapala juc hombricta, Bibliaman confiananpä.