YAĆHACHICUY 12
¿Imaćh yanapaśhunquiman Bibliata jinalla estudianayquipä?
Bibliata estudiayca allictam puydin. Pero waquin nunacunapä sasam Bibliata estudiananpä. ¿Imapïmi mana caćhaycunquimanchu Bibliata estudiayta? ¿Imam yanapaśhunquiman masqui sasacunacta pasalpis jinalla Bibliata estudianayquipä?
1. ¿Imapïmi alli puydin jinalla Bibliata estudianayqui?
“Tayta Diospa limaynin’a cawsäyämi sumä munayniyümi” (Hebreos 4:12). Bibliaćhu willamanchicmi Diospa pensamientuncunacta ñatac cuyamaśhanchicta. Bibliaćhu yaćhaśhayqui yanapaśhunquim yaćhayniyü canayquipä ñatac śhamü tiempućhu cushisha cawsacunayquipä. Yanapaśhunquitacmi Jehová Diosta masta cuyanayquipä, amigunña canayquipä ñatac canan allin cawsacunayquipä.
2. ¿Imapïmi Bibliapa yaćhachicuynincunacta valorananchic?
Bibliapa yaćhachicuynincuna oronümi achca valorniyümi. Chaymi Bibliaćhu cayta nimanchic: “Lantiycuy rasuncäta […] ama lanticuychu” (Proverbios 23:23). Masqui sasacunacta pasalpis Bibliapa yaćhachicuynincunacta amam caćhaycuśhunchu (liguicuy Proverbios 2:4, 5).
3. ¿Imanuypam Jehová yanapaśhunqui jinalla estudianayquipä?
Jehová licalichimanïnchic, allin amiguyquim, pay lisiyäśhunquim ñatac yanapaśhunquim lisinayquipä. “Diosñatacmi śhun’uyquićhu lulayta pinsaycachil munaśhanmannuy lulachipäcuśhunqui” (liguicuy Filipenses 2:13). Waquinpä manañapishćha Bibliata yaćhananpä ganasnin canchu, chaymi mana Biblia niśhanta cäsucuyta atipanchu. Chay pasaśhuptiqui’a Jehová yanapaśhunquim. Pay uśhunquim callpacta aguantanayquipä, sasacunacta pasaptiqui o nunacunaca ćhïnicuśhuptiqui. Chaymi jinalla Bibliata estudianayquipä Jehovata mañacunqui (1 Tesalonicenses 5:17).
MASTA YAĆHAYCUŚHUN
Cayćhumi yaćhaśhun juccuna mana Bibliata estudianayquita munaptinpis o mana tiempuyqui captinpis imactam lulanquiman jinalla estudianayquipä. Yaćhaśhuntacmi Jehovämi yanapaśhunqui paypi jinalla estudianayquipä.
4. Bibliata estudiayta puntaman ćhulanayquim
Waquincuna, achca lulaynin captin manam tiempun canchu Bibliata estudiananpä. Chaynü captin, ¿imactam lulanquiman? Liguiśhun Filipenses 1:10 ñatac limaśhun caypi:
Ampä, ¿imacunam mas puydin?
¿Imactam lulanayqui Bibliata estudiayta puntaman ćhulanayquipä?
Puntacta juc baldiman awishquicta winalcul jinaman lumicunata, manañam yaycunmanchu.
Pero, lumicunata puntacta winalcul jinaman awishquita llapanmi yaycun’a. Chaynümi, puntacta tiempunchacunquiman mas puydicapä, chaymi juccunacta lulanayquipäpis tiempuyqui can’am.
Bibliata estudiayca yanapamäśhunmi Jehovata masta lisinanchicpä, ñatac payta adorananchicpä. Liguiśhun Mateo 5:3 ñatac limaśhun caypi:
¿Bibliata estudiayta puntaman ćhulaptinchic yanapamachwanchućh?
5. Juccuna mana Bibliata estudianayqui munaptinpis amam jucmanyanquichu
Waquincuna amaña Bibliata estudiaychu niśhunquim. Chaynütam Francescucta nila. Licaśhun VIDEUCTA ñatac limaśhun caypi:
¿Ima nipäculam Francescucta familiancuna, amiguncuna Bibliata estudiayta allayculuptin?
¿Imapïmi allin cala jinalla Bibliata estudiaśhanca?
Liguiśhun 2 Timoteo 2:24, 25 ñatac limaśhun caypi:
¿Ima niśhulanquim familiayquicuna, amiguyquicuna Bibliata estudiaśhayquipi?
Bibliaca nishannü, ¿imactam lulanquiman Bibliata mana estudianayquita munaptin?
6. Jehovapa yanapayninman confiay
Jehovata masta lisilul, mastam cushichita munanqui. Ichapishćha ampä sasa canman Jehovapa mandaśhanta cäsucunayquipä, pero amam jucmanyanquichu, Jehovämi yanapaśhunqui. Licaśhun VIDEUCTA ñatac limaśhun caypi:
Video licaśhanchicnü, ¿imactam Jim lulala Jehová Diosta cushichinanpä?
Jimpa willacuśhanca, ¿imanuypam amta yanapaśhunqui?
Liguiśhun Hebreos 11:6 ñatac limaśhun caypi:
Jehovata lisinanchicpä, payta cushichinanchicpä callpanchacuptinchic, ¿imactam pay lulan’a?
Bibliata estudianayquipä lluy callpanchacuśhayquipï, ¿imanuymi sienten Jehová?
WAQUINCUNA TAPUŚHUNQUIMANMI: “¿Imapämi am estudiayanqui Bibliata?”.
¿Ima ninquimanmi?
IMACTAM YAĆHALUNCHIC
Masqui sasa Bibliata estudiayca captinpis, pero yanapaśhunqui cushisha wiñay-wiñay cawsacunayquipä. Chaymi Jehovaman confiaptiqui, pay yanapaśhunqui.
Yalpaśhun
¿Imapïmi ampä Bibliapa yaćhachiśhancuna allin puydi cayan?
¿Imactam lulanayqui mas puydi cäcunata puntaman ćhulanayquipä?
¿Imapïmi Bibliata jinalla estudianayquipä Jehovata mañacunayqui?
MASTA YAĆHANAYQUIPÄ
Imam yanapala achca nunacunacta mana tiempunta usuchinanpä, liguiy.
“Cómo invertir sabiamente el tiempo” (¡Despertad!, febrero de 2014)
Juc walmi Bibliata estudiayta allayculuptin, esposun’a manam munalachu. Licay imanuypam Jehová payta yanapala.
Jehová nos da las fuerzas para llevar nuestras cargas (5:05)
Juc walmi Bibliata mana caćhaycullal estudiaptinmi, esposunpis estudiayca allaycula, licay videuta.
Nunacuna nipäcun, Jehovapa testiguncuna familiacunata laquinacachin, ¿chay rasunpachun? Liguiy.
“¿Separan los testigos de Jehová a las familias, o las unen?” (Artículo de jw.org)