Dios munashca shina adorangahua imatata rana anchi

Ñaupa yachana partibi ricushca shina, Diosca tucui religiongunata mana gustanzhu. Chasna ashahuas, Diosta pai munashca shina adorasha, paita cushiyachinata ushanchi. Diosca “ima sami adoranata” o “ima sami religiondata” gustan (Santiago 1:27; TNM, notata ricui). Biblia yachachishcata ricushun.

1. Diosta imasa adorana ashcata imaibita yachana ushanchi

Imasa Diosta adoranata Biblia yachachitucunchi. Jesusca Diosta nira: “Camba shimiga sirtu man” (Juan 17:17). Maican religiongunaga Biblia yachachishcata catina randiga, runaguna yuyashcata, paiguna quirishcata catinaun. Chasna ashahuas, Jehovaga ʻpai mandashcata mana balichicʼ runagunata mana gustanzhu (Marcos 7:9​ta leipai). Randi, Biblia yachachishcata catisha, pai nishcata casushaga, paita cushiyachinchi.

2. Jehovata imasata adorana anchi

Jehova ñucanchita rac ashcamanda, paillata adorana anchi (Apocalipsis 4:11). Maquihuan rashca santogunahuan o imagengunahuan Diosta adorana randiga, paillata llaquisha adorana anchi (Isaias 42:8​ta leipai).

Jehovata adorasha, “paihuaglla tucusha, paita cushiyachina” anchi (Romanos 12:1). Pai munashca shina causasha, pai mandashcata casuna anchi. Por ejemplo, Jehovata llaquiccunaga, casarashcagunaraicu mandashcata casunaun. Chimandas, drogata, tabacota mana chupanaunzhu. Chasnallata, mana machanaunzhu.a

3. Imahuata Jehovata casuna munac runagunahuan adorana anchi

Caran semanai, “Jehovata alabangahua tandarinata” ushanchi (Salmo 111:1, 2). Chi tandarinaibi, Jehovata cantasha alabanchi (Salmo 104:33​ta leipai). Jehova ñucanchita llaquisha tandanacuichi nin. Cai tandarinaguna, huiñai causangahua yanapaitucushun. Tandarinagunama risha, shuccunahuan pariumanda sinzhiyachinacushunchi.

CAIMANDA MASTA YACHAI

4. Diosta santogunahuan o imagengunahuan adorana mana ali chan

VIDEO: Diosca santogunahuan imagengunahuan paita adoranata munanzhu (3:26)

• Callari timpuibi, maican israelitaguna, curimanda rashca malta huagrahuan Diosta adoranaura. Chiga ali chara.

Maicanguna maquihuan rashca imagengunahuan adorasha, Diosma caillayac shina sintirinaun. Chasna ashahuas, caita rasha, manachu Diosmanda caruyanaun. Exodo 20:4-6 y Salmo 106:35, 36​ta leichi, huasha cai tapuigunamanda cuintanacuichi:

• Runaguna Diosta ima cosascunahuan adorashcatata ricushcangui.

• Jehovaga santogunahuan paita adoranamanda imatata yuyan.

• Diosta santogunahuan adoranamanda imatata yuyangui.

5. Jehovallata adorana, llullasha yachachishcagunamanda lugaryachitucunchi

VIDEO: Sirtu rimashca shimi lugaryachihuara (5:16)

Salmo 91:14​ta leichi, huasha cai tapuimanda cuintanacuichi:

• Jehovata llaquisha, paillata adoracpi, imashinata ñucanchita yanapanga.

6. Tandarinagunaibi Jehovata alabasha adoranchi

Tandarinaibi cantasha, maquita alsasha rimasha, Jehovata alabanchi. Chasnallata, pariumanda sinzhiyachinacunchi. Salmo 22:22​ta leichi, huasha cai tapuigunamanda cuintanacuichi:

• Maican tandarinai maquita alsasha rimashcaga canda gustanzhu.

• Canga tandarinai maquita alsasha rimangahua alichirinata munanguimachu.

7. Jehovaga can yachaushcamanda shuccunata rimachun munan

Bibliamanda can yachaushcata imashinata shuccunata yachachina ushangui. Salmo 34:1 y Hebreos 13:15​ta leichi, huasha cai tapuimanda cuintanacuichi:

• Can Bibliaibi cunangama yachashcamanda, imagunatata cuintanata munangui.

IMATA YACHASHCANGUI

Jehovallata adorasha, tandarinaibi paita alabasha, Bibliamanda yachashcata shuccunama cuintashaga, paita cushiyachishun.

Yachashcata cuintai

• Dios munashca shina adorangahua, Bibliaga yachachinzhu.

• Imahuata Jehovallata adorana anchi.

• Imahuata casuna munac runagunahuan Diosta adorana anchi.

CANLLATA MASTA YACHAI

Imashina shuc huarmi, santogunata adoranata saquisha, lugar, cushilla sintirishcata leipai.

“Runa maquihuan rashca imagengunata mana mas adoranichu” (La Atalaya, 1 de julio de 2011)

Tandarinaibi maquita alsasha rimangahua maican yuyaigunata ricui.

“Jehovata congregacionbi alabashunchi” (La Atalaya, enero de 2019)

Shuc maltaraicu tandarinama rina sinzhi acpihuas, imashina chi tandarina paita yanapashcata ricui.

Jehova ñucata llaquisha yanapahuan (3:07)

Maican cristianoguna Diosta adorangahua cruzta charinaun. Chasna ashahuas, ñucanchiga Diosta adorangahua cruztachu charina anchi.

“Testigo de Jehovaguna imahuata Diosta adorangahua cruzta mana charinaun” (jw.org internet pistuibi)