YACHANA PARTI 56
Congregacionbi Diosta tandalla sirvishunchi
Ñucanchi huauqui panigunahuan aushaga, rey David shinami sintirinchi. Pai nira: “Ricuichi, huauqui paniguna tandalla causana ali gustu man” (Salmo 133:1). Congregacionbi tandalla angahua, ñucanchipura pariumanda yanapanacuna anchi.
1. Testigo de Jehovaguna Diosta pariulla sirvingahua imata ranaun
Caru llactaibi congregaciongunata pasiashaga, paiguna rimashca shimita manachari intindinguimachu. Chasna acpihuas, ailluibi shinami sintiringuima. Imahuata casna sintiringuima. Maican partima rishahuas, huin Testigo de Jehovaguna Bibliamanda chi publicaciongunallatata estudianchi. Chasnallata, carangunami pariumanda llaquinacusha causanchi. Maican llactagunaibi causashahuas, tucuigunami “Jehovahua shutita atunyachisha, pariulla paita sirvinata” munanchi (Sofonias 3:9).
2. Congregacionbi tandalla alita apanacungahua imatata rana angui
“Tucui shunguhuan llaquinacusha causaichi” (1 Pedro 1:22). Imashinata cai texto nishcata pactachinata ushangui. Huauqui paniguna pandarishcallata ricuna randiga, paiguna ali shunguta charishcata ricui. Mana can shina yuyac runagunahuanlla apanacuichu. Randi, shuc llactamanda runagunata, mana can tunu causaita charic runagunata ricsi. Chasnallata, shuc sami runagunata chara piñac ashaga, chi mana ali yuyaigunata saqui (1 Pedro 2:17ta leipai).a
3. Shuc huauquihuan panihuan mana intindinacushaga imatata rana angui
Diosta tandalla sirvishahuas, uchayuccuna ashcamanda, imasaibi piñanacunchi. Chiraicu, Bibliaga nitucunchi: “Shungumanda perdonanacuichi”. Chasnallata nin: “Jehova cangunata shungumanda perdonara. Chiraicu, cangunahuas chasnallata raichi” (Colosenses 3:13ta [TNM] leipai).b Ñucanchi mana alita rashcamanda Jehovata llaquichicpihuas, paiga perdonaitucunchimi. Chiraicu, Jehova ñucanchi huauquigunata perdonachun munan. Can shuc huauquita o panita llaquichishcata musiarishaga, paihuan cuti alita apanacungahua, uctalla cuintanacusha alichi (Mateo 5:23, 24ta leipai).c
CAIMANDA MASTA YACHAI
Congregacionbi tandalla, shuccunahuan alita apanacungahua, can imasa yanapana ashcata yuyai.
Shuccunahuan alita apanacungahua canga imatata rana angui.
4. Tucui sami runagunata llaquisha ricui
Ñucanchi huauquigunata huinda llaquinata munanchi. Chasna acpihuas, ñucanchimanda chicanda yuyac huauquigunahuan alita apanacunaga, imasaibi sinzhi man. Chasna tucucpiga, imata yanapaitucushun. Hechos 10:34, 35ta leichi, huasha cai tapuigunamanda cuintanacuichi:
Jehovaga tucui sami runaguna paita sirvinauchun munan. Caita yachasha, can shina mana yuyac runagunataga, imasata ricuna angui.
Can causashca llactaibi runagunaga, chican sami runagunata imashinata ricunaun. Chi runagunamanda imatata yuyanaun. Canbas, chasnallata yuyana changui.
2 Corintios 6:11-13ta leichi, huasha cai tapuimanda cuintanacuichi:
Huauqui panigunata masta llaquingahua imatata rana angui.
5. Shuccunahuan alita apanacungahua shungumanda cuintanacusha perdonai
Jehova ucha illac ashcamanda, paiga ñucanchi perdonda mana minishtinzhu. Chasna ashahuas, paiga tucui uras perdonaitucunchi. Hebreos 8:12ta leichi, huasha cai tapuigunamanda cuintanacuichi:
Cai versiculo nishca shina, Jehova imasata perdonan.
Jehova perdonac ashcamanda, imasata sintiringui. Imahua.
Ima tucucpita shuccunahuan alita apanacungahua sinzhi anma.
Jehova rashca shina rasha, ñucanchi huauqui panigunahuan alita apanacungahua, imatata rana anchi. Proverbios 19:11ta leichi, huasha cai tapuimanda cuintanacuichi:
Maican canda piñasha mana alita sintichicpiga, caita alichingahua imatata rana ushangui.
Imasaibiga, ñucanchi rimashcagunahuan o ñucanchi rashcagunahuan shuccunata llaquichinchi. Chasna tucushaga, imatata rana anchi. VIDEOTA ricuichi, huasha cai tapuimanda cuintanacuichi:
Videoibi ricushca paniga, shuc panihuan alita apanacungahua imatata rara.
6. Shuc huauquiguna ali shunguyuc ashcata ricui
Ñucanchi huauqui panigunata mas ricsishaga, mana paiguna ali rashcagunallatachu ricunchi. Paiguna pandarishcagunatas ricunchi. Imasata paiguna ali rashcagunata balichina anchi. VIDEOTA ricuichi, huasha cai tapuimanda cuintanacuichi:
Ñucanchi huauqui paniguna ali shungu ashcata ricungahuaga, imata yanapaitucunchi.
Jehovaga ñucanchi ali rashcagunata ricun. 2 Cronicas 16:9 punda partita leichi, huasha cai tapuimanda cuintanacuichi:
Can ali shungu ashcata Jehova ricucpiga, can imasata sintiringui.
Shuc sumac diamante rumi ansahuata rayarishca ashahuas, ashcatami balin. Ñucanchi huauqui panigunatahuas chasnallata ricuna anchi: Paiguna uchayuc ashahuas, Jehovaraicu yapa balishca manaun.
MAICANGUNAGA CASNAMI NINAUN: “Paimi punda disculpata tapuna an”.
Casna yuyana ali chan. Imahuata shuccunata perdonasha cungarina anchi.
IMATA YACHASHCANGUI
Tucui sami huauquigunata llaquisha, paiguna pandarishcata perdonasha, congregacion shuclla shina tucuchun yanapanchi.
Yachashcata cuintai
Imashinata tucui sami runagunata llaquisha ricunata ushangui.
Shuc huauquihuan shuc panihuan piñanacusha mana intindinacushaga, imatata rana angui.
Jehova perdonashca shina, canbas shuccunata perdonana changui. Imahua.
CANLLATA MASTA YACHAI
Jesusca shuccunata mana culpangahua yachachitucuranchi. Caimanda imata yachachishcata ricui.
Mana imatas rashca ashahuas, shuccunata disculpahuai nisha tapuna chanchi.
Maican runaguna huingunata sumaglla pariulla ricusha tratanata yachashcauna.
Chican sami runaguna ashahuas, pariulla apanacuna ushanchi (5:06)
Congregacion tandalla, cungailla catichun, problemaguna tiacpi, imasa alichina ashcata ricui.
“Maican huauquihuan problemagunata charishaga, llaquihuan alichishunchi” (La Atalaya, mayo de 2016)
a Nota 6 partibi mascasha, Jesusta caticcunaga, shuccunata llaquishcamanda, chimbac ungüita mana pasachingahua imata rana ashcata ricui.
b Colosenses 3:13 (TNM): “Pariumanda ahuantanacusha catichi. Maican cangunata llaquichicpihuas, shungumanda perdonanacuichi. Jehova cangunata shungumanda perdonara. Chiraicu, cangunahuas chasnallata raichi”.