LECCIÓN 15
¿Imamantatac Bibliata yachacushpa catina cangui?
1. Bibliata yachacushpa catinaca ¿imapactac ayudanga?
Cai revistapi yachacunami Jehová Diosta cuyachun ayudashca. Diosta cuyanataca mirachishpami catina cangui (1 Pedro 2:2). Quipa punzhacunapi para siempre causangapacca, Bibliata yachacushpa Diosman cuchuyanami cangui. Juan 17:3, QCA, 1996; Judas 21-ta liyi.
Diosmanta ashtahuan yachacushpami cambac crishcata sinchiyachishpa catingui. Chashnami Diostaca ashun cushichingui (Hebreos 11:1, 6). Tucui shunguhuan crishpa arrepentirinami, ñucanchic causaipi cambiocunata ruhuangapac ayudanga. Hechos 3:19-ta liyi.
2. ¿Ima shinatac shuccunata ayudai pudingui?
Quiquinca Dioshuan alli apanacui pudinguimi
Can yachacushcacunataca shuccunaman huillangapacchari munangui. Tucuicunami alli noticiacunataca parlanata munanchic. Bibliata alli yachacushpami Jehová Diosmantapish, paipac alli noticiacunamantapish gentecunaman huillai pudingui. Romanos 10:13-15-ta liyi.
Cambac familiaman, amigocunamanmi huillashpa callari pudingui. Can crishcacunaca mana valinchu ninapac randica cuyaihuan, respetohuanmi Bibliamanta alli esperanzacunata parlai pudingui. Can cuyaihuan, respetohuan parlashpami ashun ayudai pudingui. 2 Timoteo 2:24, 25-ta liyi.
3. Jehová Dioshuanca ¿ima shinatac apanacui pudingui?
Bibliata yachacunami ñucanchic crishcacunata sinchiyachingapac, Jehová Diosman cuchuyangapacpish ayudanga. Shina ruhuashpami Jehová Diospacca familia shina tucungui. 2 Corintios 6:18-ta liyi.
4. Yachacushpa catingapacca ¿imatac ayudanga?
Diosmanta yachacunataca ama saquinguichu (Hebreos 5:13, 14). ¿Qué nos enseña la Biblia? nishca librohuan Bibliata yachachichun Jehová Diosmanta Huillaccunaman mañai. Ashtahuan yachacushpaca ashtahuanmi cushilla causangui. Salmo 1:1-3; 73:27, 28-ta liyi.
Bibliapi tiyashca alli noticiacunaca “cushi Diosmantami” shamun (1 Timoteo 1:11, NM). Paita alli serviccunahuan tandanacushpami Diospac alli amigo cai pudingui (Hebreos 10:24, 25). Diospac munaita puntapi churangapac esforzarishpaca para siempre causaitami charingui. Taita Diospac alli amigo canami ashtahuancarin valin. 1 Timoteo 6:19-ta liyi.