¿Jesusca pitac can?

Jehová Diosmi Jesusta cai allpaman cacharca (1 Juan 4:9)

Jehová Diosca Adanta manarac ruhuashpami, jahua cielopica achcata yachac shuc angelta ruhuarca. Chaimantami Diosca paitapish uyachun munan.

Unai huatacuna quipami, Diosca chai angelta shuc huahua shina huacharichun cai allpaman cacharca. Cai allpapica María shuti solterami Belén llactapi chai huahuata sajuarirca. Paitami Jesús nishpa shutichirca (Juan 6:38).

Jesús cai allpapi causacushpaca paipac Taita Jehová shina cuyac, llaquic cashcatami ricuchirca. Chaimantami, gentecunaca paihuan canata munarca. Jesusca paipac Taita ima shina cashcataca mana manchashpami huillarca.

Jesús allicunata ruhuacucpipish achca gentecunaca piñarcami (1 Pedro 2:21-23)

Jesusmi panda religionta pushaccunataca: Cancunaca llullashpami mana allita yachachinguichic nirca. Chaimantami paicunaca Jesusta piñaccuna carca.

Shinallatac Jesusca ungushcacunata jambirca, maijan huañushcacunatapish causachirca.

Quipamancarin panda religionta pushaccunaca, Roma llacta pushacman llullacunata nishpami Jesustaca macachishpa huañuchichircacuna.