¿Huañushcacunaca cutin causaringachu?

BIBLIAPICA CAITAMI NIN

‘Huañushcacunataca Taita Diosca causachina cashcatami shuyacuni.’ (Hechos 24:15, Nuevo Testamento Quichua Cañar, 1996.)

CAI JAHUA YACHACUNACA ¿IMAMANTATAC ALLI CAN?

Maijan familia huañucpica mana jin penarishunchu (2 Corintios 1:3, 4).

Huañuitaca mana jin manchashunchu (Hebreos 2:15).

Ñucanchic huañushca familia cutin causarinata tucui shunguhuan crichunmi ayudanga (Juan 5:28, 29).

BIBLIAPI NISHCATACA ¿CRINACHU CANCHIC?

Ari. Caipica quimsa yuyaicunatami ricushun:

• Causaita cucca Diosmi can. Bibliapica Jehová Diosllami “causaita cuc” ninmi (Salmo 36:9, Biblia en Quichua Cañar; Hechos 17:24, 25). Si tucuicunaman causaita cuc cashpaca ¿manchu huañushcacunataca cutin causachi pudinga?

• Utcapica Diosca ñami gentecunata causachishca. Bibliapica 8 gentecunata causachishcatami huillan. Causariccunaca caricuna, huarmicuna, huahuacuna, mayorcunami cashca. Cai allpapi cutin causachunmi causachishca. Maijancunaca recienlla huañushcacunami cashca, Lazarotacarin chuscu punzha huañushcatami causachishca (Juan 11:39-44).

• Huañushcacunaman cutin causaita cunataca Diosca jinmi munan. Huañuitaca Jehová Diosca imamundotami piñan (1 Corintios 15:26). Jehová Diosca huañushcacunata causachishpami huañuitaca tucuchinga. Diosca huañushcacunata cutin cai allpapi causachunmi causachinga (Job 14:14, 15).