1 Korintien

9 Zot i koné pa ké bann domoun injus i sa pa gingn roiyom Bondié ? Lès pa zot anbobiné : sak i fé bann péché sèksuèl, sak i ador tout kalité zafèr olèr ké Bondié, sak i tronp lo moun avèk kisa li lé marié, bann zom k’i pratik lomosèksualité, 10 bann volèr, bann rapiang, bann soular, sak i jur lé zot é bann zèskro va pa gingn kom léritaj lo roiyom Bondié. 11 É pourtan sé komsa mèm ké lété désèrtin an parmi zot. Mé la lav azot, la mèt azot a par, la déklar azot kom jus o non lo Ségnèr Jézu Kris é avèk lèspri nout Bondié. 18 Rojèt tout kalité péché sèksuèl ! kinport lo péché in moun i pé komèt, sa néna okin lien avèk son kor, mé sak i fé bann péché sèksuèl li pèch kont son prop kor. 19 Èské zot i koné pa ké zot kor sé lo tanp lèspri sin ké lé anndan zot, é ké zot la gingn èk Bondié ? An plis ké sa zot i apartien pa zot, 20 mé la pèy lo pri pou zot. Alor, ansèrv zot kor pou done la gloir Bondié.