Ébré
13 Ke zot lamour fratèrnèl i dur pou toultan. 3 Souvien azot sak lé an prizon, komsi zot té an prizon èk banna, é souvien azot sak lé maltrèté, parské azot mèm zot lé dann in kor fé èk la chèr. 4 I fo ké lo mariaj néna in gran valèr pou tout domoun, é ké lo li in koup marié lé pa sali, parské Bondié va juj sak i fé bann péché sèksuèl oubien sak i tronp zot konjoin. 5 Ké zot fason d’viv lé pa gidé par lamour larjan ; kontant azot sak zot néna. Parské li la di : « Jamé mi va kit aou, é jamé mi va lès aou tonbé. » 6 D’in manièr ke, ranpli èk kouraj, nou pe dir : « Jéova lé mon sekour ; mi nora pa peur. Kosa in moun i pe fèr amoin ? » 7 Rapèl azot sak i dirij azot, sak la fé konèt azot la parol Bondié, suiv zot légzanp la foi, é pousa agard bien mèm kosa zot manièr viv i done. 8 Jézu Kris lé lo mèm ièr, jordi é pou toultan. 14 parské nou na poin tèr-la in vil k’i dur pou toultan, mé nou lé présé trouv la vil ké va ariv pli tar. 15 Par son moiyin, alon toultan of Bondieu in sakrifis pou loué ali, sétadir in louanj ki sort dan nout bouch ki fé in déklarasion devan tout domoun pou son non. 16 An plis ké sa, oubli pa fé lo bien é partaj èk lé zot, parské Bondié lé kontan kan i fé bann gran zaksion komsa. 17 Obéi sak i dirij azot é soumèt azot, parské banna i vèy toultan dési zot kom bann bonom ké nora d’kont pou rand, é komsa banna i fé sa èk kontantman é san souplingn azot, parské sinonsa sra pa bon pou zot. 18 Kontinié priyé pou nou, parské nou lé sur ké nou néna in konsians klèr, akoz nou vé bien konport anou dan tout zafèr.