Jénèz

2 Sé komsa ké té fine fé lo sièl, la tèr èk tout sak navé dédan. 2 Lo sétièm jour Bondié lavé fini son travay. Apré tout son travay li la komans ropozé lo sétièm jour. 3 É Bondié la béni lo sétièm jour é li la déklar jour-la sakré, parské pandan jour-la, li ropoz dé tout son travay li té fine fé, é dé tout sak li lavé kalkil fé. 7 Alor Jéova Bondié la kré lom avèk la pousièr la tèr, aprésa li la souf dan son né lo souf la vi, é lom lé vnu in moun vivan. 15 Bondié Jéova la pran lom é la mèt ali dann jardin Lédèn komsa li kultiv é li okip jardin la. 16 É Jéova Bondié la done lom lord la : « Ou pé manj bann frui su tout bann piédboi dann jardin — la kantité ou vé —, 17 mé ou doi pa manj bann frui su lo piédboi la konésans sak lé bien é sak lé mové. Parské lo jour ousa ou va manj sa, lé sur k’ou va mor. » 22 É, avèk la kot ké li lavé pran su lom, Jéova Bondié la fé in madam é li la anmèn aèl koté lom. 23 Alor lom la di : « Ala anfin lo zo k’lé fé èk mon bann zo é la chèr k’lé fé èk mon chèr. Va apèl aèl “fanm”, parské la fé aèl a partir d’lom. » 24 Sé pousa lom va kit son papa èk son momon, é li va rès avèk son madam, é zot va èt in sèl chèr.