1 Jan

6 Anou, nou sort koté Bondieu. Sak i ariv konèt Bondieu i ékout anou ; sak i sort pa koté Bondieu i ékout pa nou. Sé komsa ke nou fé la diférans ant la parol inspiré ke lé vérité é la parol inspiré ke lé manteur. 7 Bien émé, alon kontinué èm anou inn é lot, parske lamour i sort èk Bondieu, é tout moun ki ièm lé né par Bondieu é i koné Bondieu. 8 Si in moun na poin lamour, li koné pa sé kisa lé Bondié, parské Bondié lé amour. 9 Ala koman Bondié la fé mont son lamour pou nou : Bondié la anvoy son sèl Garson dan lo monn pou ké nou pé gingn la vi gras ali. 10 So lamour-la, sé pa ké nou la èm Bondié, mé ké li, li la èm anou é li la anvoy son Garson kom sakrifis pou kouv nout bann péché. 11 Azot ké mi èm, si lé komsa ké Bondié la èm anou, alor nou lé oblijé èm anou inn é lot. 14 An plis ké sa, anou mèm nou la vu é nou témoign ké lo Papa la anvoy son Garson pou sov lo monn. 15 Sak i rokoné ké Jézu lé lo garson Bondié, Bondié i rès uni sanm li é li rès uni sanm Bondié. 16 É nou la aprann konèt lamour ke Bondieu néna pou nou é mèt nout konfians dan se lamour. Bondieu lé amour, é sak i rès dan lamour i rès uni ansanm Bondieu é Bondieu i rès uni ansanm li. 19 Nou ièm, parske li la èm anou le premié.