Éfézien

5 Alor, pran légzanp su Bondié, kom bann zanfan ké li èm in bonpé, 2 é kontinié viv dan lamour, kom lo Kris la èm anou, é la done son vi pou nou, kom in lofrand é in sakrifis k’i san bon pou Bondié. 3 I fo pa ké nou rotrouv bann zafèr la avèk domoun sin : tout bann péché sèksuèl, tout bann zafèr ké lé sal, lanvi pou gingn toujour plis é i fo mèm pa koz ladsi ant zot ; 4 mèm pa in fason fé k’i fé ont, ni bann parol bèt, ni bann kozman insolan — tousala sé bann zafèr ké lé pa bon —, mé plito di mèrsi Bondié. 8 lé vré, dann tan avan, zot lété dann fénoir, mé astèr zot lé dan la lumièr pou sak i konsèrn lo Ségnèr. Kontinié konport azot kom bann zanfan la lumièr, 10 Kontinié rod sak i kontant lo Ségnèr. 15 Donk tansion pangar zot néna in fason d’viv kom domoun na poin dutou la sajès, mé fé kom domoun lé saj ; 16 utiliz out tan lo méyèr fason posib, parské bann jour lé mové. 22 Ke le bann madam i soumèt azot a zot mari, kom èk le Sénieur, 23 parské lo mari lé lo chèf son madam, parèy kom lo Kris lé lo chèf lasanblé, son kor, ké li la sové. 25 Azot mari, kontinué èm zot madam, kom le Kris la èm lasanblé é la donn son vi pou èl, 26 pou ke li gingn rann aèl sin, pou rann aèl pur avèk le bin d’lo par le moiyin la parol, 27 pou gingn fé amèn devan li lasanblé dan tout son boté, san tach, san rid, ni rien ki resanm sa, mé sin é san défo. 28 Lé parèy, bann mari i doi èm zot madam kom zot prop kor. In bonom ki ièm son madam i ièm ali li mèm, 29 parske la poin okin bonom la jamé détès son prop kor, mé li donn ali manjé é li pran soin d’li, kom le Kris i fé pou lasanblé, 33 Mé, chakèn an parmi zot i doi èm son madam kom li mèm ; é lo madam li, i doi aoir in gran rèspé pou son mari.