Psom
37 Mèt pa ou an kolèr akoz bann mové moun é ral pa lo kèr dési domoun malfondé. 2 Kom zèrb vit fé banna va flétri é kom zèrb tann banna va fané. 3 Fé konfians Jéova é fé sak lé bien ; abit su la tèr é aji èk fidélité. 4 Trouv out plu gran kontantman an Jéova, é li va égzos tout sak out keur la anvi. 5 Lès Jéova mont aou lo chemin ; kont su li, é li va fé in zafèr pou ou. 7 Rès an silans devan Jéova é atann ali èk pasians. Énèrv pa ou kont le moun ki ariv fé son bann mové projé. 9 Parske bann domoun mové i sra détrui, mé sak i mèt zot léspoir an Jéova va érit la tèr. 10 Ankor in pé d’tan, é domoun mové va disparèt ; ou va rogardé la ousa zot lété, é zot i sra pa la. 11 Mé sak néna limilité va gingn la tèr kom léritaj é zot va aprésié in gran kantité la pé. 25 Moin la été jèn é, astèr, moin lé ajé, mé moin la jamé vu lo moun jus èt abandoné ni son bann marmay rod dopin pou manjé. 28 Parske Jéova i ièm la justis, é li va pa larg son bann fidèl. Zot sra toujour protéjé ; mé bann désandan bann méchan sra détrui. 29 Sak i obéi Bondié, zot nora la tèr pou zot, é zot va viv dési pou toultan. 34 Mèt léspoir an Jéova é suiv son chemin, é li va donn aou loneur pou ke ou érit la tèr. Kan bann mové moun i sra détrui, ou va voir sa. 39 Jéova i sov bann moun jus ; li lé in ranpar dann tan la détrès.