Mark

6 Mé, lé ékri, dann promié débu, “Bondié la fé azot bonom é madam. 9 Donk, sak Bondieu la uni ansanm, i fo pa domoun i sépar ali. » 14 Kan li la vu sa, Jézu té pa kontan é la di azot : « Lès bann jeun marmay ni koté moin. Ésèy pa défann azot fé sa, parske le roiyom Bondieu i apartien sak i resanm azot. 17 Kan li té pou pran la rout, in bonom la kour juska-li, la tonb ajonou dovan li é la domand ali : « Bon Lamontrèr ; kosa mi doi fé pou gingn la vi pou toultan ? » 18 Jézu la répond ali : « Poukosa ou apèl amoin bon ? Na poin pèrsone lé bon, apark in sèl : Bondié. 19 Ou koné bann komandman : « Tué pa domoun. Tronp pa out madam. Vol pa. Raport pa zafèr mantèr. Roul pa domoun pou pran zot zafèr. Done lonèr out papa out momon. » 20 Lo bonom i di ali : « Lamontrèr, mi obéi déja tout bann komandman-la dopi tan pti. » 21 Jézu la rogard ali, son kèr té touché, é li la di èk li : « I mank aou in zafèr, alé vand tout sak ou néna é done sa bann pov, é ou nora in trézor dann sièl. Aprésa vien aou, suiv amoin. » 22 Mé lo bonom la tonb dann dépitasion kan li la antand Jézu di sa é èk chagrin li lé parti, parské li lavé bonpé lo bien. 29 Jézu la répond : « Franch vérité mi di azot, na poin pèrsone la kit zot kaz, frèr, sèr, momon, papa, zanfan, ou karo la tèr pou moin é pou lo gayar nouvèl, 30 li va gingn san foi plis dépi koméla - la kaz, bann frèr, bann sèr, bann momon, bann zanfan é bann karo la tèr, avèk bann tourman - é dan lo monn k’i ariv, la vi pou toultan. 45 Parlfèt lo Garson d’lom lé pa vni pou fé sèrv ali, li lé vni pou sèrv lé zot é done son vi an ranson an échanj in gran paké domoun. »