2 Timoté

3 Mé i fo ou koné sa : dan bann dèrnié jour, nora bann pèryod difisil pou suporté. 2 Parské bann domoun va rod rienk zot prop zintéré, sra kamarad èk larjan, vantar, orgéyé, va koz an mal su Bondié, va dézobéi zot papa momon, sra pa rokonésan, sra pa fidèl, 3 nora poin lafèksion, nora poin lantant, va koz an mal dési lé zot, va pa kontrol azot, sra kruèl, va pa èm fé lo bien, 4 va aji an trèt, nora la tèt dur, nora in ta lorgèy, sra kamarad èk lamuzman olèrk kamarad Bondié, 5 va fé sanblan èm Bondié, san ké la puisans lamour Bondié i influans zot vi. Détourn aou bann domoun-la. 12 Dayeur, tout sak i ve viv dan latachman Bondieu é uni èk le Kris Jézu i sra zot osi pèrsékuté. 13 Mé bann méchan é bann zipokrit va vni plizanpli mové. Banna va tronp lé zot é zot osi, zot sra tronpé. 15 é ke depui ke ou lé inn ti marmay ou koné bann zékri sakré, ke i pe rann aou saj pou èt sové gras la foi an Kris Jézu. 16 Tout Lèkritur lé inspiré par Bondié é lé util pou amontré, pou korijé, pou romèt droit bann zafèr, pou aprann ajir avèk justis, 17 pou ké lo sèrvitèr Bondié lé vréman kalifié, ékipé kom k’i fo pou fé bann bon zaksion.