Ébré
10 Lé vré, kom la Loi lé in reprézantasion pou bann bon zafèr ki doi arivé, mé pa le bann zafèr an vré, li pe jamé, par bann mèm sakrifis ke lé ofèr toultan chak lané, rann parfé sak i kos koté Bondieu. 5 Sé pousa, kan li rant dan lo monn, li di : « Ou té vé ni sakrifis ni zofrand, mé ou la prépar in kor pou moin. 6 Ou té vé pa non pli bann zanimo brulé su lotèl ni bann sakrifis pou lo péché. 7 Alor moin la di : « Rogard ! Mi vien (dan lo roulo, lé ékri sa su moin) pou fé out volonté, o Bondié ! » 10 Akoz « volonté-la », nou lé sin gras lo sakrifis Jézu la fé in foi pou tout. 12 Mé se bonom la, la of in seul sakrifis pou bann péché pou toultan é li la asiz ali a droit Bondieu, 13 é li atann depui se moman la juskatank son bann zènmi lé plasé kom in léskabo sou son bann pié. 22 Alon kos koté Bondié èk in kèr vré é in foi solid, avèk lo kèr pur, san mové konsians é lo kor lavé avèk dolo pur. 23 Alon tienbo pou fé konèt lé zot nout lèspérans san larg lo kor, parské sak la fé promès-la lé fidèl. 24 É alon fé in kont ansanm inn é lot komsa nou ankouraj anou pou fé mont nout lamour avèk bann bon zaksion osi ; 25 larg pa nout bann rénion, kom détroi néna labitid fé, mé alon ankouraj anou inn é lot, fé sa ankor plis parské zot i oi lo jour i tard pa pou arivé. 26 Parské si nou fé èspré fé bann péché apré ké nou la fine konèt égzaktoman kosa i lé la vérité, na pu okin sakrifis pou bann péché la, 27 mé i rès jus pou atand avèk la tranblad lo jujman èk la kolèr Bondié k’i bril kom dofé é k’i va détrui tout sak lé kont li. 39 Mé nou, nou fé pa parti sak i rokil dèrièr pou èt détrui, mé nou lé an parmi sak néna la foi pou sov zot vi.