Provèrb

2 Mon garson, si ou aksèp mon bann parol é si ou ramas mon bann komandman dan out kèr, 3 si, an plis, ou domand lintélijans é si ou kri pou gingn bon jujman, 4 si ou kontinié rod sa kom larjan é si ou rod ali san arété kom bann zarlor ké lé kachièt, 5 alor ou nora konpri kosa i vé dir aoir in gran rèspé pou Jéova é ou va trouv la konésans su Bondié. 6 Parské Jéova li mèm i done la sajès ; dan son bouch i sort la konésans èk lo bon jujman. 7 La sajès pou bien ajir, li gard sa èk gran soin pou sak lé fidèl ; li lé in boukliyé pou sak i march droit. 10 Kan la sajès va rant dan out kèr é kan la konésans va ni in plézirasion pou out lam, 11 lo kapasité réfléksion va vèy su ou é lo bon sans va protèj aou, 12 komsa ou tonb pa dann gob bann domoun i march tor, i koz pou done mové kozman, 16 Alor ou sra protéjé kont la fam dévèrgondé, kont le bann ti mo dou la fam imoral, 22 Mé bann mové moun, zot va disparèt su la tèr,