Paran, ékip zot marmay èk la konésans

Nou viv dan in monn ki di ke le bien lé mal é ke le mal lé bien (Izai 5:20). Maleureuzman, désèrtin i pratik bann zafèr ke Jéova i détès. In légzanp, banna néna in mové konportman avèk bann domoun mèm sèks ke zot. Bann kamarad lékol oubien dot moun i pouré amèn nout bann jeun fé kom zot. Koman zot i pe ékip zot marmay pou sobat kont se mové lantrènman la ?

Aprann bann marmay bann valeur ke Jéova néna, ke va gingn protèj azot (Lév 18:3). Ti dousman é dapré zot laj, ansègn azot sak la Bib i di su bann konportman séksuèl (Det 6:7). Demann azot : « Èske mi ansègn mon bann marmay, kèl kalité jès laféksion lé zot i pe avoir ansanm li, ke zot i doi mèt bann linj ki atir pa latansion su zot é ke lé zot i doi réspèk zot kor ? Èske banna va konèt koman réaji si i ésèy mont azot la pornografi oubien si i demann azot fé bann zafèr ke Jéova i kondane ? » Ékip zot marmay èk la konésans, sé in formasion. Sa i pe évit azot konèt bann chagrin (Prov 27:12 ; Ékl 7:12). Ansègn azot su bann sujé la, i fémont zot lamour pou le gayar léritaj ke Jéova la konfié azot (Psom 127:3).

GARD LE VIDÉO ALON RANN NOUT FAMI PLU FOR — PROTÈJ NOUT BANN ZANFAN KONT « SAK LÉ MOVÉ », APRÉSA RÉPONN BANN KÉSTION LA :

• 

  Poukosa désèrtin i ézit koz su bann konportman séksuèl avèk zot zanfan ?

• 

  Poukosa bann paran i doi form zot marmay « dapré bann zansègnman biblik é bann konsèy Jéova » ? (Éféz 6:4).

• 

  Kosa lorganizasion Jéova i donn bann paran, pou èd azot transmèt zot bann zanfan, bann zinformasion su la konduit séksuèl ? (w19.05-F 12, ti kad).

• Poukosa zot i doi diskut souvan èk zot zanfan avan ke banna i tonm dann malizé ?