Azot jeun, di zot paran tout sak zot néna su le keur

Akoz ou doi fé zéfor pou koz fran, pou di sak ou pans avèk out bann paran ? (Prov 23:26). Parske Jéova la donn banna le résponsabilité okup de ou, é mèt aou dan le bon chemin (Ps 127:3, 4). Banna nora difikulté pou fé sa, si ou kachièt azot tout out bann problèm é tout sak i trakas aou. É ou va pa profit léspèryans ke banna la ganié dan zot vi. Mé an vré, èske lé mal ke ou gard detroi zafèr pou ou touseul ? Non, mé i fo pa ou fé sa dan lintansion bèrn kèlkin (Prov 3:32).

Koman fé pou koz èk out papa momon ? Ésèy trouv in lokazion ki aranj chakèn d’zot. Si lé dur pou fé sa, ou pouré ékri in lèt pou di sak ou resan avèk out papa oubien out momon. É si zot i ve koz d’in sujé ke ou préfèr évité ? Rapèl aou ke sak lé inportan pou banna sé èd aou. Voi an zot bann kamarad, pa bann zènmi. Out bann zéfor pou koz franchman avèk zot va aport aou bann bienfé tout out vi, la vi pou toultan ! (Prov 4:10-12).

GARD LE VIDÉO MON VI ANTANK JEUN : KOMAN KOZ AVÈK PAPA MOMON ?, APRÉSA RÉPONN BANN KÉSTION LA :

• 

  Kosa Esther é Partik la fini par rekonèt su zot mèm ?

• 

  Kosa ou pe aprann su légzanp Jézu ?

• 

  Koman out bann paran i mont ke zot i sousi azot de ou ?

• 

  Kèl vèrsé biblik i pouré ankouraj aou koz avèk out bann paran ?