Fé sak i fo pou rand out ti famiy éré

Jéova i vé ké bann famiy i viv éré ansanm (Ps 127:3-5 ; Ékl 9:9 ; 11:9). Mé dann monn nou viv, bann traka la vi i pèz su nou é bann zérèr ké nout famiy i fé, i pé fé fane nout joi. Alor kosa chakèn i pé fé pou rand son ti famiy éré ?

Par son manièr d’fé lo mari i mont ké li rèspèk son madam (1 Pièr 3:7). Li rézèrv in tan pou rotrouv ali èk son madam. Li domand pa èl sak èl i gingn pa fé, é li mont son rokonésans pou sak èl i fé pou li é pou son bann marmay (Kol 3:15). Li fé mont ké li èm aèl é li mèt anlèr son bann joli kalité (Prov 31:28, 31).

Lo madam i rod bann moiyen pou soutien son mari (Prov 31:12). Èl i soumèt aèl a son mari é èl i travay min dan la min sanm li (Kol 3:18). Lo madam lé janti kan èl i koz èk son mari. É èl i di zafèr janti dési li (Prov 31:26).

Bann papa momon i pas lo tan èk zot marmay (Dét 6:6, 7). Zot i di èk zot marmay ké zot i èm azot (Mat 3:17). Kan banna i korij zot marmay pou zot march droit, zot i fé sa èk lamour é pa ninport koman (Éféz 6:4).

Dan zot fason aji, bann zanfan i fé mont ké zot néna in gran lèstim pou zot papa momon, é zot i obéi banna (Prov 23:22). Zot i di banna sak zot i pans é sak zot i rosan. Zot i aksèp kan i korij azot é zot i fé mont zot rèspé pou banna (Prov 19:20).

ROGARD LO TI FIM FÉ GRANDI LA JOI DAN OUT FAMIY, É APRÉSA RÉPOND KÈSTION LA :

• Kosa chakèn i fé pou fé grandi la joi dan son famiy ?