NOUT VI KRÉTIEN
Papa momon, èd zot marmay gingn la sajès Bondié
In gayar fason pou bann papa momon èd zot marmay gingn la sajès Bondié, sé aprann azot profit bien bann rénion krétien. Sak bann jèn i oi, i antan é bann komantèr zot i done dann rénion, i pé èd azot aprann konèt Jéova é èt kamarad sanm li (Dét 31:12, 13). Si ou néna zanfan, koman ou pé èd banna profit ankor plis bann rénion ?
Fé tout sak ou pé pou alé la sal sur plas (Psom 22:22).
Dan la sal, pran in tan avan ou apré bann rénion, pou pas in moman avèk out bann frèr é sèr é ankouraj azot inn é lot (Ébr 10:25).
Fé manièr ké chakèn dan la famiy néna bann publikasion pou la rénion, kisoi an papié ou su in laparèy.
Èd out marmay prépar in komantèr dan son prop fason kozé (Mat 21:15, 16).
Koz pa an mal su bann rénion é su sak nou aprann laba.
Èd out marmay pran labitid fé bann zafèr dan lasanblé, par égzanp nétoiy la sal é koz èk bann gramoun dan lasanblé.
Lé pa in zafèr fasil èd out marmay kos koté Jéova, é nadkou somanké ou trouv pu lo bout. Mé sak lé sur, sé k’ou gingn kont dési Jéova pou èd aou (Izai 40:29).
ROGARD LO VIDÉO PAPA MOMON, KONT SU JÉOVA É SU LA FORS LI DONE, APRÉSA RÉPOND BANN KÈSTION LA :
Kèl léfé la fatig lavé su Zack é son madam ?
Poukosa bann paran i dévré domand la fors Jéova ?
Koman Zack èk son madam la fié dési Jéova ?