1é-7 AVRIL
PSOM 23-25
Kantik 4 èk la priyèr | Dé ti parol pou komansé (1 min)
1. « Jéova lé mon Bèrjé »
(10 min)
Jéova i gid anou (Ps 23:1-3 ; w11-F 1/5 31 § 3).
Jéova i protèj anou (Ps 23:4 ; w11-F 1/5 31 § 4).
Jéova i done anou manjé (Ps 23:5 ; w11-F 1/5 31 § 5).
Kom in bèrjé i okip bien mèm son bann brébi, Jéova i okip bien son bann sèrvitèr.
DOMAND AOU : « Koman Jéova la bien okip dé moin ? »
2. Bann ti pèrl dan la Bib
(10 min)
Ps 23:3 : Kosa i lé bann « santié la justis », é kosa va défand anou dévié dési chomin-la ? (w11-F 15/2 24 § 1-3).
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Ps 23:1 – 24:10 (th loson 5).
4. Promié diskusion
(3 min) TÉMOINIAJ INFORMÈL. Mont in vèrsé la Bib k’i ankouraj in moun ké lé trakasé akoz lanvironnman (lmd loson 2 poin 5).
5. Vizit
(4 min) KAZ AN KAZ. Mont in moun ké la aksèp lo ti brochur Viv ereu pou toultan ! koman i èspas in létud la Bib (lmd loson 9 poin 3).
6. Létud la Bib
(5 min) lff loson 14 poin inportan 4 (lmd loson 11 poin 3).
Kantik 54
7. Nou suiv pa la voi domoun nou koné pa
(15 min). Diskusion.
Bann brébi i koné la voi zot bèrjé é zot i suiv ali. Mé, zot i suiv pa domoun zot i koné pa, parské zot i rokoné pa la voi banna (Jan 10:5). Lé parèy, nou ékout la voi nout bann Bèrjé, Jéova é Jézu, ké lé bon anvèr nou é k’i mérit nout konfians (Ps 23:1 ; Jan 10:11). Parkont, nou rojèt la voi domoun nou koné pa, parské zot i rod fébli nout foi avèk bann « kozman mantèr » (2 Pièr 2:1, 3).
Jénèz chapit 3 i rakont koman pou promié foi dési la tèr in moun nou koné pa, la fé antand son voi. Satan la koz avèk Èv dan in mové lintansion, li la kachièt kisa li lé. Li la fé pas ali kom in kamarad pou Èv, é li la déform sak Jéova lavé di é osi sak li té kont fé. Lé bien maléré, Èv la ékout ali é sa la amèn bann soufrans ké nou majine mèm pa, pou èl é osi pou son famiy.
Jordi, Satan i ésèy fé dout anou su Jéova é son lorganizasion, é pousa li fane partou bann zinformasion pou tronp domoun, li déform la vérité é li di bann zafèr mantèr. Kan nou antand la voi in moun nou koné pa, i fo nou détourn anou ! Si nou ékout ali jus inn ti kou pou konèt kosa li di, sa lé in danjé pou nou. Konbien d’mo Satan la utilizé pou tronp Èv, rienk dan lo ti diskusion li lavé sanm èl ? (Jén 3:1, 4, 5). Mé kosa i fo fé si in moun nou koné, k’i èm anou é i vé nout bien, i vé mont anou bann zinformasion k’i kritik lorganizasion Jéova ?
Mont lo vidéo Alon pa suiv « la voi domoun nou koné pa ». Domand èk sak lé la :
Kosa zot la aprann su lo fason Jade la réaji su bann zintansion son momon, ké lé pa Témoin ?
8. Létud la Bib lasanblé
(30 min) bt chap. 8 § 1-4 èk lankadré p. 61-62.