8-14 AVRIL

PSOM 26-28

Kantik 34 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

Lo Roi David antrinn priyé èk tout son kèr.

1. Koman David la ranfors son lanvi fé sak lé droit

(10 min)

David la domand Jéova rand ali méyèr (Ps 26:1, 2 ; w04-F 1/12 14 § 8-9).

David té vé pa ditou aoir mové frékantasion (Ps 26:4, 5 ; w04-F 1/12 15-16 § 12-13).

David té èm sèrv Jéova (Ps 26:8 ; w04-F 1/12 16 § 17-18).

Mèm si li la fé bann fot, David té aji avèk « in kèr ké lé droit » (1 Roi 9:4, ti not). Té oi li té march droit par son ladorasion fidèl é son lamour pou Jéova.

2. Bann ti pèrl dan la Bib

(10 min)

Ps 27:10 : Koman vèrsé-la i pouré soulaj nout kèr si nou san ké nout lantouraj la vir lo do èk nou ? (w06-F 15/7 28 § 15).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Ps 27:1-14 (th loson 2).

DÉVIEN PLI GABIÉ DAN LA PRÉDIKASION

4. Promié diskusion

(2 min) KAZ AN KAZ. Ansèrv in trak dan nout kès zouti lamontrèr (th loson 3).

5. Vizit

(4 min) KAZ AN KAZ. Koz èk lo moun dési bann kèstion dèrièr lo trak ké ou la done ali dèrnié kou. Mont ali lo sit jw.org é di ali kosa li pé trouvé dési lo sit (lmd loson 9 poin 3).

6. Diskour

(5 min) lmd Ti not n^o 1 poin 3. Lo tèm : I sa répar bann déga dési la tèr (th loson 13).

NOUT VI KRÉTIEN

Kantik 128

7. Bann jèn k’i rès fidèl dovan bann mové zafèr

(15 min). Diskusion.

In jèn antrinn réfléchi dési in vèrsé li viend lir. A koté d’li néna in tablèt k’i mont bann zimaj lo vidéo « Mon vi an tank jèn : Koman tienbo kan i mèt présion su moin pou aoir rolasion sèksuèl avan marié ? » Lo bann zimaj i fé mont Jozèf i kour pou fui dovan madam Putifar.

Pou rès fidèl dovan bann mové zafèr, bann jèn krétien i doi vréman sobat dur. Zot i doi sobat kont zot bann défo é zot i batay pou rès pur dan la « flèr la jénès », in pèryod la vi ousa bann lanvi sèksuèl lé for é i pé tronp zot jujman su plin zafèr (Rom 7:21 ; 1 Kor 7:36). An plis ké sa, i fo zot i tienbo ansanm kan domoun i arèt pa mèt présion su zot pou aoir bann rolasion sèksuèl, kisoi rolasion étérosèksuèl oubien omosèksuèl (Éféz 2:2). Nou lé fièr kan nou oi koman jour an jour, bann jèn i kontinié rès fidèl.

Mont lo VIDÉO Mon vi an tank jèn : Koman tienbo kan i mèt présion su moin pou aoir rolasion sèksuèl avan marié ? Aprésa domand èk sak lé la :

Kèl présion Cory èk Kamryn la suporté avèk zot bann kamarad ?

Out répons
Kosa la èd azot kontinié march droit ?

Out répons
Kèl prinsip la Bib lé util pou ansort aou dovan in situasion komsa ?

Out répons

8. Létud la Bib lasanblé

(30 min) bt chap. 8 § 5-12.