5-11 MÉ

PROVÈRB 12

Kantik 101 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

1. Ou lé rékonpansé kan ou travay dur

(10 min)

Alon pa pèrd lo tan, pou kour dèrièr bann zafèr inutil (Prov 12:11).

Alon travay dur é aplik anou dan sak nou fé (Prov 12:24 ; w16.06-F 30 § 6).

Nou lé rékonpansé, kan nou done paké dan lo travay (Prov 12:14).

Détroi zimaj : In frèr i done paké pou aplik ali dan son prop travay, li travay dési bann gro tuyo dan in gran luzine, é li done paké osi dan bann zaktivité spirituèl. 1. Li la pou marché é li la pou port son bann zouti travay. 2. Li la pou fé in travay dési in gro tuyo é li fé sa avèk in klé a molèt. 3. Li lé la sal pou in rénion lasanblé èk son famiy. Ali èk son ti fi i lèv la min pou done in komantèr. 4. Dan in lèstasion sèrvis, li ansèrv in trak pou koz la vérité avèk in bonom.

OU TÉ KONÉ SA : Nou trouv kontantman kan nou travay dur, surtou kan nou majine bann bon zafèr ké travay-la, va aport lé zot (Akt 20:35 ; w15 1/2-F 5 § 4-6).

2. Bann ti pèrl dan la Bib

(10 min)

Prov 12:16 : Koman lo prinsip dann vèrsé-la, i done anou la fors pou tienbo ansanm dann malizé ? (ijwyp-F lartik 95 § 10-11).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 12:1-20 (th loson 5).

DÉVIEN PLI GABIÉ DAN LA PRÉDIKASION

4. Promié diskusion

(2 min) KAZ AN KAZ. (lmd loson 1 poin 4).

5. Promié diskusion

(3 min) KAZ AN KAZ. Propoz in létud la Bib (lmd loson 5 poin 4).

6. Vizit

(3 min) TÉMOINIAJ INFORMÈL. Fé mont nout sit lintèrnèt in moun néna zanfan (lmd loson 9 poin 3).

7. Èsplik kosa ou kroi

(3 min) Démonstrasion. ijwfq lartik 3. Tèm : Èské zot i kroi, zot lé dan lo sèl vré rolijion ? (lmd loson 4 poin 3).

NOUT VI KRÉTIEN

Kantik 21

8. Kan néna problèm larjan, tienbo ansanm èk lèd Jéova

(15 min). Diskusion.

Èské bann zafèr komsa i trakas aou : par égzanp, si ou pèrd out travay, si ou trouv pa travay, si ou gingn pa asé larjan pou fini lo moi, jordi, oubien kan ou sra vié ? Lékonomi monn-la, i pé kapoté ninport kan. Mé Jéova i promèt anou ké si nou mèt ali an promié, li va toujour done anou sak nou la bézoin, é sa, ankor plis, si d’in kou, nou na pu larjan (Ps 46:1-3 ; 127:2 ; Mat 6:31-33).

Zimaj tiré dan lo vidéo « Jéova la jamé désoi anou ». Frèr Alvarado i pri avèk son famiy, é an mèm tan li tienbo la min son ti madam.

Mont lo VIDÉO Jéova la jamé désoi anou. Aprésa poz kèstion-la :

Kèl loson ou tir su sak frèr Alvarado la viv ?

Out répons

Lir 1 Timoté 5:8. Aprésa poz bann kèstion-la :

Koman vèrsé-la, i ranfors nout konfians ké Jéova va toujour pran soin son bann sèrvitèr ?

Out répons

Alon réfléchi dési détroi prinsip la Bib, k’i pé èd anou tienbo dovan in problèm larjan :

Viv sinp. Fé pa krédi inutil é achté pa zafèr ké la pa bézoin (Mat 6:22).
Pran bann désizion, su lo travay ou bann zétud, ké va èd aou fé pas bann zafèr spirituèl an promié (Fil 1:9-11).
Rojèt lorgèy é rès pa kalé su in sèl zafèr. Si nou na poin travay, alon aksèp ninport lékèl, mèm lo pli sinp, parské travay-la, va èd anou pran soin nout famiy (Prov 14:23).
Èt paré pou partaj sak nou néna, mèm si nou na poin bonpé zafèr (Ébré 13:16).

9. Létud la Bib lasanblé

(30 min) bt chap. 26 § 1-8 èk lankadré paj 204, 208.