Èské bann Témoin Jéova, i kroi, zot lé lo vré rolijion ?

Si pou nou, la rolijion sé in zafèr sèrié, alor nou doi asur anou ké Bondié é Jézu lé dakor avèk lo rolijion nou lé dédan. Sinon-sa, akoi i sèrv ké nou pratik rolijion-la ?

Jézu Kris lé pa dakor, kan i di ké néna plizièr rolijion oubien néna plizièr chemin k’i amèn a la vi. Olèrksa, li la di : « Lo ti port é lo ti santié i amèn juska la vi, sa lé séré sa, é na rienk inn ti pé domoun i trouv ali » (Matié 7:14). Bann Témoin Jéova i pans ké zot la trouv ti santié-la. Sinon-sa, zot noré rod in not santié.