La peur la mor : koman surmont sa ?

Sak la Bib i di

Lé normal ke nou la peur la mor, kom nou noré peur in lènmi, é ke nou pran bann désizion ki fo pou protèj nout vi (1 Korintien 15:26). Parkont, sak néna tro peur la mor akoz bann zansègnman oubien bann kroiyans manteur i tonm dan in « lésklavaj pandan tout zot vi » (Ébreu 2:15). Konèt la vérité va libèr azot d’inn peur tro gran d’la mor — inn peur ki pe anpèch azot profit la vi (Jan 8:32).

La vérité su la mor

• Bann mor i konpran pu rien sak i éspas otour d’zot (Psom 146:4). Kom la Bib i konpar la mor avèk in somèy, i fo pa ke nou la peur soufèr oubien konèt bann maleur kan nou la finn mor (Psom 13:3 ; Jan 11:11-14).

• Bann mor i pe pa fé anou le mal. Mèm sak té ve vréman fé anou le mal, lé « san fors dan la mor » (Provèrb 21:16). La Bib i di ke « zot èn é zot [jalouzi] la finn disparèt » (Éklézias 9:6, Nouvelle Bible Segond).

• Kan nou lé mor, i ve pa dir ke tout lé fini pou la vi. Gras la rézuréksion, Bondieu va redonn la vi bann zumin (Jan 5:28, 29 ; Akt 24:15).

• Bondieu la promèt, ke nora in lépok ousa « nora pu la mor » (Révélasion 21:4). Konsèrnan se lépok la, la Bib i ésplik : « Sak i obéi Bondieu nora la tèr pou zot, é zot va viv desu pou toultan », é zot i sra délivré d’la peur la mor (Psom 37:29).