Kisa i komann su la tèr ?

LÉ ÉKRI DAN LA BIB

« Le monn antié lé dirijé par le méchan » (1 Jan 5:19).

« I tard pa, Bondieu [...] va kraz Satan » (Romin 16:20, Traduction du monde nouveau).

KOSA LA BIB VA APORT A OU

i èsplik akoz néna difikulté su la tèr (Révélasion 12:12),

i donn lèspoir in vi pluméyeur (1 Jan 2:17).

ÈSKE OU PE FÉ KONFIANS SÈK LA BIB I PROMÈT ?

Oui, ala 3 rézon :

• Pouvoir Satan lé kondané. Jéova la désidé arèt dominasion le Diab. Li la promèt ke li va « détrui [...] le Diab » é armèt tout an ord (Ébreu 2:14).

• Bondieu la mèt Jézu Kris an plas. Jézu lé pa kom Satan. Li lé pa in chèf kruèl ki fé souf domoun. Sou dominasion Jézu, Bondieu la promèt : « Li nora pitié le ti malereu é sak lé mizèr [...]. Li va sov banna kont bann zafèr i akab azot é kont la violans » (Psom 72:13, 14).

• Bondieu i ramas pa manteur. La Bib i déklar : « Lé inposib ke Bondieu i ramas manteur » (Ébreu 6:18). Kan Jéova i promèt in nafèr, lé kom si lé déja fé ! (Izai 55:10, 11). Lé sur, « le chèf se monn la i sra jeté deor » (Jan 12:31).