Èske nou va arèt soufèr in jour ?

LÉ ÉKRI DAN LA BIB

« Bondieu [...] va tir tout bann larm dan zot zieu é nora pu la mor, ni okin deuy, ni okin plint, ni okin douleur » (Révélasion 21:3, 4, Traduction du monde nouveau).

KOSA LA BIB VA APORT A OU

lasurans ke Bondieu lé pa loteur nout bann traka (Jak 1:13),

rékonfor ke Bondieu i koné nout douleur é ke li souf èk nou (Zekaria 2:8),

lèspoir ke nora pu tout bann soufrans (Psom 37:9-11).

ÈSKE OU PE FÉ KONFIANS SÈK LA BIB I PROMÈT ?

Oui, ala 2 rézon :

• Bondieu i détès la soufrans èk linjustis. Dann tan la Bib, le peup Bondieu lété martirizé. Kosa Jéova la resanti ? La Bib i di son keur té i fé mal kan li té antan banna « plénié akoz bann mové trètman ke désèrtin la fé subi azot » (Juj 2:18).

  Bondieu i suport pa domoun i maltrèt lé zot. In légzanp, la Bib i amont ke li détès sak i ansèrv zot « min pou tué bann zinosan » (Provèrb 6:16, 17).

• Bondieu i ve èd a ou. Chakèn i koné son douleur. Mé, Jéova osi i koné kosa nou suport (2 Kronik 6:29, 30).

  Gras son Roiyom, i tard pa Jéova va anlèv malizé tout domoun (Matieu 6:9, 10). Pou linstan, Bondieu i rékonfort tout sèk i rod vréman son lèd (Akt 17:27 ; 2 Korintien 1:3, 4).