LESON 13

Fé konprann ke sak ou di lé util

Provèrb 3:21

POIN INPORTAN : Èd sak lapou ékout aou konprann par koman le sujé i konsèrn azot. Di azot koman zot i pouré utiliz sak zot i aprann.

Majinn bann domoun. Réfléchi pou kèl rézon zot la bezoin antann bann zidé ke ou prézant. Rod kèl poin dan le sujé i sra surtou util pou banna.
Kan ou lapou prézant out sujé, fé konprann domoun sak zot i doi fé. Dèk le sujé i komans, chak moun i doi di ali mèm : « Bann zidé la, i sra util pou moin ». Di koman mèt an pratik chak poin inportan ke ou ansègn. Di bann zafèr ke lé prési é util.

Ésplik sak lapou ékout aou koman mèt an pratik bann vérité biblik. Kan ou fé sa, koz in fason ki mont out lamour pou zot é mèt aou zot plas. Fé pa santi azot koupab, rann zot lamour é zot foi plu for. Rès konfian ke zot keur va pous azot pou fé sak lé bien.