LESON 18

Prézant bann zidé util

1 Korintien 9:19-23

POIN INPORTAN : Fé réfléchi sak lapou ékout aou, komsa zot nora le santiman ke zot la aprann in nafèr util.

Tien kont bann zafèr ke domoun i koné déja. Kontant pa ou di bann zafèr ke banna la finn déja antann ; èd azot konprann le sujé in not fason ankor.

Alé vitfé su bann zidé ke banna i koné bien, é atard aou plus pou ésplik bann zidé ke banna i vièn konèt.
Fé bann rechèrch é pran le tan réfléchi. Si lé posib, pran bann légzanp pou ésplik bann zidé plu inportan. Pou fé sa, utiliz bann zinformasion ke domoun i koné pa tro oubien sak i di dan laktualité. Pran le tan pou réfléchi su bann zidé ou doi prézanté é le rapor ke sa néna avèk bann légzanp ke ou kont prann.

Kan ou étudi bann zidé ke néna dan le sujé, fé travay out tèt é pousa poz aou bann késtion kom « Kisa ? Kosa ? Ousa ? Kansa ? Koman ? Poukosa ? ». Rann vivan out lansègnman, é pousa poz detroi késtion la, é donn bann répons.
Mont ke sak ou ansègn lé util. Ésplik pou kèl rézon bann pansé la bib i pe èt util dan la vi tou lé jour. Koz su bann situasion, bann fason pansé ou désèrtin konportman éspésial ki pe konsèrn sak lapou ékout aou.