LESON 15

Mont ke ou kroi sak ou di

1 Tésalonisien 1:5

POIN INPORTAN : Mont ke ou kroi vréman la vérité ke ou ansègn é mont ke bann zidé ou koz desu lé inportan.

Prépar aou bien mèm. Étudié bann zidé ke néna dan out sujé pou konprann koman bann zansègnman Biblik lé lojik. Ésèy utiliz detroi ti mo sinp pou koz su bann poin inportan. Réfléchi bien su koman out sujé i sra util pou sak lapou ékout aou. Pri pou gingn léspri sin.

Lir out sujé for kan ou répèt ali, pou abitué aou avèk bann zidé ke néna dedan é rann méyeur out fason prézant ali.
Utiliz bann mo ki mont ke ou kroi sak ou di. Olèrk répèt bann mo ke lé ékri dan in publikasion ; ansèrv surtou out bann mo aou. Choizi in fason kozé i mont ke ou kroi sak ou di.
Koz avèk out keur é konvink lé zot. Koz asé for. Regard bien dann zieu sak lapou ékout aou, si landroi ousa ou viv i fé komsa.

Kroir sak nou di, i ve pa dir vèks domoun, èt buté ou koz su in mèm lidé toultan. Mèm kan ou koz in fason pou konvink sak lapou ékout aou, fé sa avèk jantiyès.