Ransègnman

BANN PLAS ASIZ Siouplé, réspèkt lé zot moun ke lé la. Ou pe rézèrv bann plas asiz rienk pou domoun dan out fami é pou sak i abit out kaz, sak i vien lasanblé dan out loto oubien sak i étudi la Bib avèk ou. Siouplé, mèt pa rien su lé zot plas asiz.

BANN ZOFRANN Landroi ousa i fé lasanblé, chakèn na in plas pou li asiz, néna in bon lékipman sono é vidéo avèk in ta dot sèrvis ki èd a nou aproch koté Jéova é pas in gayar lasanblé. Pou fé tousala la dépans in bonpe larjan. Gras out bann zofrann ke ou fé avèk bon keur, nou va gingn pèy bann dépans la é osi nou va soutien nout laktivité ke lé fé su tout la tèr. In pe partou dann lasanblé la, ou va trouv bann ti boit pou zofrann ke lé fasil pou trouvé. Tout bann zofrann lé vréman aprésié. Le Kolèj santral i ve vréman di a ou mèrsi pou le bann zofrann ke ou fé èk gran keur pou soutien le bann zintéré le Roiyom.

BATÈM Sof si na poin dot zinformasion lad’su, bann plas asiz ke lé devan le podiom lé rézèrvé pou sak i sar prann batèm. Sak i sar fé batiz a li i doi alé asiz son plas le samdi matin avan le diskour batèm i komans. Chak moun ki sar prann batèm i doi amèn in mayo d’bin ki chok pa lé zot èk in sèrvièt.

LAKEUY Bann frèr ke i fé lakeuy lé la pou èd a ou. Siouplé, ékout a zot bien kan banna va di a ou kèl koté ou doi alé gar out loto, kèl landroi ou lé otorizé alé, si lé posib rézèrv bann plas pou asiz...

PREMIÉ SEKOUR Siouplé rapèl a ou ke se sèrvis lé RIENK pou bann zafèr URJAN.

VOLONTÈR Pou ke lasanblé i éspas bien, néna bann zaktivité inportan i doi èt fé. Si ou ve donn in kou d’min, alé voir le sèrvis ransègnman é volontèr.

ZOBJÉ TROUVÉ Tout bann zafèr ke ou la trouvé i doi èt dépozé o sèrvis bann zobjé trouvé. Donk si ou la pèrd in nafèr, alé dan se sèrvis pou voir si ou retrouv. Sé dann sèrvis la osi, ke ou doi amèn in zanfan ke la pèrd a li dan lasanblé. Seulman, pou évit bann traka inutil, vèy bien out bann marmay é lès banna koté ou.

RÉNION ÉSPÉSIAL

LÉKOL POU BANN ZÉVANJÉLIZATEUR LE ROIYOM Bann pionié ke néna ant 23 é 65 an é ki ve prèch plus lé invité pou in rénion zinformasion dimanch apré midi. Le landroi èk leur, i sra anonsé kan va donn bann ti zinformasion.