Ransègnman

BANN PLAS POU ASIZ Siouplé, fé mont zot néna rèspé pou lé zot. Zot i pé rézèrv la plas rienk pou zot famiy proch, pou sak i abit ansanm zot, pou sak i vien lasanblé dan zot loto, oubien pou sak i étudié la Bib ansanm zot. Mé aparksa, rézèrv pa lé zot plas an plis, siouplé.

BANN ZOBJÉ TROUVÉ Si ou la trouv in zafèr, alé dépoz ali avèk lo sèrvis bann zobjé trouvé. É si ou la pèrd in zafèr osi ou pé alé oir banna. Si in zanfan la pèrd dan lasanblé, amèn ali dann sèrvis-la. Mé sèlman, pou évit gingn traka dann vid, vèy bien dési out bann marmay é fé ansort zot i rès koté ou.

BANN ZOFRAND Dan la sal lasanblé-la néna asé la plas pou toulmonn asiz, néna in bon lékipman sono èk vidéo èk dot matèryèl osi pou nou gingn bien profit bann lamontraj ké va èd anou rès kosté koté Jéova. I fo in bonpé larjan pou tousala, é sé gras bann zofrand fé èk bon kèr k’i gingn pèy bann dépans-la mé osi tout lé zot dépans k’i konsèrn nout laktivité su tout la tèr. In pé partou dan la sal lasanblé néna bann ti boit pou fé zofrand. Si zot vé done inn ti moné, zot i pé mèt dédan lo boit, oubien sa zot i pé alé su lo sit intèrnèt donate.jw.org pou fé inn ti virman. Sak zot kèr va pous azot doné sra bien aprésié. Lo Kolèj santral i di azot vréman in gran mèrsi parské zot néna lo kèr su la min pou souténir bann zaktivité lo Roiyom Bondié.

BATÈM Bann plas pou asiz ké lé dovan podiom lé rézèrvé pou sak i sa pran batèm, amoink i done anou in not zinformasion ladsi. Sak i sa pran zot batèm i doi alé asiz atèr-la dépi lo samdi matin avan lo diskour batèm i komans. Zot i doi amèn in mayo d’bin rèspèktab, èk in sèrvièt.

LAKÈY Bann frèr i fé lakèy lé la pou èd azot. Mèrsi bien suiv zot bann rokomandasion pou gar out loto, pou konèt ousa ou néna lo droi alé dann zalantour la sal lasanblé, é pou konèt si lé posib rézèrv la plas pou asiz.

PROMIÉ SOKOUR Nou rapèl azot ké sèrvis-la i okip rienk bann situasion ké lé grav é k’i fo aji vitman.

VOLONTÈR Si zot i vé done inn ti kou d’min pou fé in travay an parmi sak nora pou fé pou ké lasanblé i èspas bien, alé oir lo sèrvis ransègnman èk volontèr.