Koman Bondieu i ve nou ador ali ?

Kom nou la vu dan le leson avan, Bondieu i aksèp pa tout bann relijion. Mé lé posib pou nou, ador le Kréateur in fason ki fé plézir ali. Donk kosa i lé « le kult », oubien « le relijion », ki fé plézir ali ? (Jak 1:27 ; ti not). Alon voir sak la Bib i di la d’su.

1. Su kosa nout ladorasion i doi èt bazé ?

Nout ladorasion i doi èt bazé su la Bib. Dann in priyèr, Jézu la di Bondieu : « Out parol lé vérité » (Jan 17:17). Désèrtin relijion la ranplas la vérité ke néna dan la Parol Bondieu, la Bib, par bann zansègnman invanté par domoun é bann tradision. Mé Jéova i aksèp pa dutou sak i ‘mèt de koté son bann komannman’ (lir Mark 7:9). O kontrèr, kan nou lir la Bib é ke nou mèt an pratik son bann konsèy, nou kontant le keur Bondieu.

2. Koman nou doi ador Jéova ?

Kom Jéova lé nout Kréateur, rienk ali touseul i mérit ke nou ador ali (Révélasion 4:11). Sa i ve dir ke nou doi ador rienk ali touseul, san utiliz bann zobjé kom bann léstatu oubien bann zimaj (lir Izai 42:8).

Pou ke nout ladorasion lé ‘aksépté’ par Jéova, sa i doi èt « sin » (Romin 12:1). Sa i ve dir ke nou doi obéi son bann loi dan nout vi. Par égzanp, kan nou ièm Jéova, nou ièm é nou na réspé pou sak li pans su le maryaj. Nou rejèt osi bann mové zafèr kom fumé, drog anou oubien boir tro lalkola.

3. Poukosa i fo nou ador Jéova avèk dot krétien ?

Chak semèn, bann rénion i donn anou lokazion pou ‘loué Jéova dan lasanblé’ (Psom 111:1, 2). Nou fé sa par égzanp, kan nou chant bann louanj pou li (lir Psom 104:33). Jéova i ièm anou é li ve ke nou viv pou toultan. É li koné ke, pousa, bann rénion lé inportan. Donk li demann anou asis bann rénion la, ousa nou ankouraj lé zot, é nou mèm nou lé ankourajé.

ALON APRANN PLUS

4. Nou doi pa ansèrv bann zobjé pou ador Bondieu

VIDÉO : Èske Bondieu i ve ke nou ansèrv bann zimaj ou bann zobjé pou ador ali ? (3:26)

• Dann tan biblik, kosa la éspasé kan bann sèrviteur Bondieu la ansèrv in léstatu pou ador ali ?

Désèrtin i di kan zot i ansèrv in léstatu pou ador Bondieu, zot i san azot plu proch de li. Mé èske sa i repous pa pluto Bondieu ? Lir Égzod 20:4-6 é Psom 106:35, 36 é koz su bann késtion la :

• Nadfoi, kèl kalité zobjé relijieu bann domoun i utiliz ?

• Kosa Jéova i resan kan i utiliz bann zobjé la ?

• É ou mèm, kosa ou pans de sa ?

5. Ador rienk Jéova i libèr anou bann mansonj la relijion

VIDÉO : La vérité i libèr (5:16)

Lir Psom 91:14 é koz su késtion la :

• Si nou fémont nout lamour pou Jéova é nou ador rienk ali touseul, kosa li promèt fé pou nou ?

6. Nou ador Jéova dan bann rénion lasanblé

Dan bann rénion, nou na lokazion donn komantèr é nou chant bann kantik. Sé komsa nou loué Jéova é nou ankouraj anou inn é lot. Lir Psom 22:22 é koz su bann késtion la :

• Èske ou aprési bann komantèr ke ou antan dan bann rénion ?

• Èske ou ièmré prépar in komantèr ?

7. Jéova i ièm voir anou koz su sak nou aprann

Nou na lokazion koz bann vérité biblik èk domoun. Lir Psom 9:1 é 34:1 é koz su késtion la :

• Anparmi bann vérité ke ou la aprann dan la Bib, kèl ou ièmré fé konèt in not moun ?

SAK NOU LA APRANN

Pou ke nout ladorasion i kontant le keur Bondieu, i fo nou ador rienk ali touseul, loué ali dan bann rénion lasanblé é koz èk lé zot su sak nou aprann.

Alon révizé

• Koman Bondieu i ansègn anou le bon fason ador ali ?

• Poukosa i fo ador rienk Jéova ?

• Poukosa i fo nou rasanm anou avèk dot moun pou ador Bondieu ?

GARD SA OSI

In madam i rakont koman li la arèt ador bann zidol (son zistoir « Je ne suis plus esclave des idoles »).

« La Bible transforme des vies » (La Tour de Garde, 1^er juillet 2011)

Bann konsèy ke va èd aou donn komantèr dan bann rénion.

« Loue Jéhovah dans l’assemblée » (La Tour de Garde, janvier 2019)

In jeun jan la sobat pou asis bann rénion lasanblé.

Jéova la pran soin d’moin (3:07)

Souvandéfoi, bann relijion krétien i utiliz la kroi pou ador Bondieu. Mé èske sa na vréman son plas dan le vré ladorasion ?

« Poukosa bann Témoin Jéova i utiliz pa la kroi dan zot ladorasion ? » (lartik jw.org)