Lès la diskusion koul tousèl

Prinsip la Bib : « In bon ti kozé k’i tonb kom k’i fo, lé bien gayar ! » (Prov 15:23).

Sak Filip la fé

Filip lévanjélizatèr lé antrinn koz avèk lo fonksionèr péi Létiopi ké lapou lir in roulo, alor ké li lé asiz dan in charèt.

VIDÉO : Filip èk lo fonksionèr péi Létiopi

1. Rogard la VIDÉO oubien lir Akt 8:30, 31. Aprésa réfléchi su bann kèstion i vien apré.

Kosa Filip la di pou komans kozé ?
Akoz nou pé di ké lété in bon fason pou li komans la diskusion, é kèl rézulta la doné ?

Rotien sa

2. Pou ké lo moun lé alèz é lé dakor pou kozé, lès la diskusion koul tousèl.

Fé parèy Filip...

3. Rogard bien. Nou apran bonpé zafèr dési in moun kan nou oi son figur é son bann manièr. Èské lo moun la anvi d’kozé ? Ou pé tourn la diskusion dési la Bib, d’in fason sinp komsa : « Èské ou té koné ké… ? » Si ou san lo moun i vé pa tro kozé, alor fors pa li.

4. Travay la pasians. Pa bézoin rod koz toutsuit dési la Bib. I vo mié atand in bon lokazion arivé. É nadfoi, sra rienk dan in prochin diskusion.

5. Chanj diskusion si i fo. É si lo moun i koz dési in not sujé ? Suiv ali é koz dési sak i intérès ali. Rès pa kalé rienk su out lidé.

DOT VÈRSÉ I PÉ ANSÈRV ANOU

Ékl 3:1, 7 ; 1 Kor 9:22 ; 2 Kor 2:17 ; Kol 4:6