Fé in kont èk domoun

Sak Jézu la fé

VIDÉO : Jézu èk lo madam Samaritin

1. Rogard la VIDÉO oubien lir Jan 4:6-9. Aprésa réfléchi su bann kèstion i vien apré.

1. Kosa Jézu la romarké avan li la koz èk lo madam ?

2. Jézu la di : « Done amoin in pé dolo pou boir ». Poukosa té in bon fason komans la diskusion ?

Rotien sa

2. Nou nora plis lokazion komans in bon diskusion, si nou koz su sak i intérès domoun vréman.

Fé parèy Jézu...

3. Chanj diskusion si i fo. Rès pa kalé dési sak ou la préparé. Koz dési in zafèr i trakas domoun jordi. Domand aou :

1. « Kosa i di dan laktualité ? »

2. « Dési kosa mon bann voizin, mon bann kamarad travay oubien mon bann kamarad lékol i koz ? »

4. Rogard bien. Domand aou :

1. « Kosa lo moun lapou fé ? Kosa i trakas son lèspri ? »

2. « Kan mi oi son fason abiyé, la fason li lé é son kaz, kosa mi aprann su son bann kroiyans oubien su sak i intérès ali ? »

3. « Èské nou la tonb lo bon moman pou koz sanm lo moun ? »

5. Ékout bien.

1. Koz pa in ta.

2. Domand lo moun kosa li pans. Poz bann kèstion kan i fo.