Èske ou pe donn out tan é out bann fors ?

Kom Izai la anonsé lontan avan, zordi nou voi in lakroisman inkroiyab dan lorganizasion Jéova ke lé su la tèr (Izai 54:2). Donk, i fo kontinué konstrui bann Sal du Roiyom, bann Sal lasanblé é bann Bétèl. Aprésa i fo asur lantretien le bann batiman, é nadfoi retap azot. Sa i donn anou lokazion donn Jéova nout tan é nout bann fors. Pou kèl lokazion ?

• Kan nout group prédikasion i doi nétoiy la Sal du Roiyom, nou pe donn in koudmin.

• Nou pe donn nout non pou èt formé pou lantretien nout Sal du Roiyom.

• Nou pe ranpli in Demande d’admission comme volontaire local développement/construction (DC-50) pou donn in koudmin tanzantan kan néna bann konstruksion ou lantretien ke lé pa tro loin nout kaz.

• Nous pe ranpli in Demande d’admission comme volontaire (A-19) pou alé sèrv inn ou detroi semèn dann Bétèl, dan inn anparmi le bann buro ke lé jéré su le téritoir le Buro Nasional.

GARD LE VIDÉO UN NOUVEAU PROJET DE CONSTRUCTION (INN TI MORSO), APRÉSA RÉPONN BANN KÉSTION LA :

• Depui 2014, koman nou la utiliz bann vidéo ankor plus ?

• Kom i doi fé ankor plus vidéo, kosa i doi èt konstrui, é konbien d’tan le konstruksion i devré prann ?

• Koman bann frèr é seur va gingn soutien se bann konstruksion la ?

• Si nou ve donn nout non pou alé su konstruksion Ramapo, poukosa i fo ranpli in DC-50 pou gingn soutien bann projé LDC pa loin nout kaz ?

• Pou projé la, kèl preuv nou néna ke Jéova lé dèryèr sa ?

• Koman nou pe soutien projé la, mèm si nou pe pa alé travay su konstruksion la ?