É si ou té fé Lékol pou zévanjélizateur du Roiyom ?

Èske ou néna ant 23 é 65 an é ke ou lé dann sèrvis a plin tan ? Èske ou na in bon santé é ou lé kapab alé sèrv Jéova dan in landroi ousa na le bezoin ? Si ou réponn oui bann késtion la, èske ou la pansé ranpli in demann pou Lékol pou zévanjélizateur du Roiyom ? Depui ke la mèt an plas le 1^é klas, bann milié d’koup é frèr é seur sélibatèr, la donn zot non pou fé sa. Parkont, nou la bezoin ankor plus ke bann frèr sélibatèr i donn zot non. Donk, demann Jéova fé grandi out lanvi pou kontant son keur é pou imit son garson (Psom 40:8 ; Mat 20:28 ; Ébr 10:7). Aprésa, kalkul koman ou pe libèr aou dan out vi pèrsonèl ou dann travay, pou ranpli bann kondision.

Kèl kalité zaktivité bann diplomé i pe fé ? Désèrtin la été anvoiyé dan bann zandroi ousa i koz diféran lang, oubien pou prèch dan bann gran vil. Aprésa, néna in pe i ranplas tanzantan le résponsab sirkonskripsion, na dot i devien résponsab sirkonskripsion ou misionèr. An mèm tan ke ou réfléchi kèl kalité sèrvis ou pe fé, aplik pou ou le bann parol le profèt Izai : « Moin lé la ! Anvoiy amoin ! » (Izai 6:8).

GARD LE VIDÉO LES MISSIONNAIRES : DES OUVRIERS DANS LA MOISSON, APRÉSA RÉPONN BANN KÉSTION LA :

• 

  Koman bann misionèr lé choizi ?

• 

  Kèl bon travay bann misionèr i fé ?

• 

  Di detroi bienfé ke le sèrvis misionèr i aport.