NOUT VI KRÉTIEN

Èské ou lé paré pou ansort aou dann tan la kriz ?

Nou lé pa étoné, kan tout sak i èspas dan lo monn i amèn bann chanboulman ékonomik su tout la tèr. Akoz sa ? Parské nou lé bien avansé dan bann dèrnié jour é ké la Bib i konsèy pa dutou mèt nout lèspoir dan bann « richès k’i pé disparèt » (1 Tim 6:17 ; 2 Tim 3:1). Pou prépar anou pou afront in kriz, kèl légzanp lo roi Jozafat i done anou ?

Kan bann pèp zènmi la ménas azot, Jozafat la fé konfians Jéova (2 Kron 20:9-12). Pou ké lo pèp Bondié lé paré, li la mèt an plas détroi zafèr ké noré bien ansèrv azot : li la plis protèj lo bann vil é li la mèt bann troup solda dann péi (2 Kron 17:1, 2, 12, 13). Kom Jozafat la fé, èk sajès alon fé konfians Jéova é prépar détroi zafèr ké va ansèrv anou dann pèryod difisil.

KOMAN NOU PÉ PRÉPAR ANOU POU AFRONT IN PÈRYOD LA KRIZ ?

Dann domèn spirituèl : Kontant aou sak ou néna é ranfors out konfians ké Jéova lé kapab done aou sak ou la bézoin tou lé jour (Mat 6:26 ; 1 Tim 6:8). I fo ou lé bien désidé jamé dézobéi bann prinsip la Bib pou gingn sak ou la bézoin (Rom 2:21). Réfléchi su lo manièr ou va gingn manjé spirituèl ankak kouran oubien lintèrnèt i koup. Choizi é ramas détroi publikasion papié é, si i gingn, télécharj a lavans bann publikasion.

Dann domèn matèryèl : Fé manièr ou na poin tro krédi é évit achté bann zafèr ou la pa bézoin, é sa, avan in kriz i ariv (Prov 22:7). Si posib, ramas manjé é dot zafèr inportan ké nou ansèrv tou lé jour, é sa, an kantité rézonab. Pou fé zékonomi, pétèt désèrtin va trouv ké lé util fé pous détroi zafèr dan la kour.

ROGARD LO VIDÉO ÈSKE ZOT LÉ PARÉ SI NÉNA IN KATASTROF ?, APRÉSA RÉPOND BANN KÈSTION LA :

Zimaj tiré dann vidéo « Èske zot lé paré si néna in katastrof ? » : In désin in Bib, in sak survi avèk in téléfone portab, é in zouvrié konstruksion.

Kosa nou mèm nou pé fé, pou prépar anou ankak in katastrof i ariv ?

Out répons

Zimaj tiré dann vidéo « Èske zot lé paré si néna in katastrof ? » : Bann volontèr sèrvis sokour lapré done koudmin pou konstrui in kaz é pou décharj matérièl dann kamion.

Koman nou pé prépar anou pou èd lé zot ?

Out répons